2023 جىلدان باستاپ ساۋلەت بەينەسىنە كونكۋرس جاريالانادى
قالا وتە تەز ءوستى، سوندىقتان مەگاپوليس پەن ونىڭ تۇرعىندارىنىڭ قاجەتتىلىكتەرىن قاناعاتتاندىرۋ ءۇشىن شۇعىل شەشىمدەر قابىلداۋ كەرەك بولدى. ونىڭ ۇستىنە، قالا تەڭگەرىمسىز تۇردە ءوستى، ويتكەنى، ميلليون ادامعا عانا ەسەپتەلگەن. بۇل تۋرالى الماتى اكىمى ەربولات دوسايەۆ قازاقستاننىڭ قالا سالۋشىلار وداعى ۇيىمداستىرعان XVIءى قالا قۇرىلىسى فورۋمىندا ايتتى، دەپ حابارلايدى Almaty-akshamy.kz.
اكىم قالانىڭ دامۋ جوسپارىنا جاڭادان قوسىلعان اۋماقتار مەن الماتىنىڭ جاڭا اۋداندارىن قۇرۋ ماسەلەسى ۇلكەن تۇزەتۋلەر ەنگىزىلگەنىن ايتتى.
«ءبىز بۇگىن دامۋ بارىسىندا ىزدەنىستەر ۇستىندەمىز. قالا «قالاي دامىعانى ءجون» وسىنى انىقتاۋ قاجەت. ءار قالا ءوزىنىڭ دامۋ جولىن تاڭدايدى. الدىن الا ايتارىم، الداعى دۇيسەنبىدە قالاعا قاتىستى ماڭىزدى شەشىمدەر قابىلدايتىن ءماسليحات وتىرىسى وتەتىن بولادى. بۇل – قۇرىلىس ەرەجەلەرىن وزگەرتۋ جانە قالانىڭ قالا قۇرىلىسى كەڭەسىن قايتارۋ تۋرالى شەشىمدەر»،-دەدى دوسايەۆ.
ونىڭ ايتۋىنشا، كرەاتيۆتى ەكونوميكانى دامىتۋ رەيتينگى بويىنشا قالا ەلىمىزدە كوشباسشى پوزيسياعا يە.
«الماتى تۇرعىندارى وتە دارىندى. 2023 جىلدان باستاپ ساۋلەت بەينەسىنە كونكۋرس جاريالانادى. ءبىز ەندى ءبىر نۇسقانى قابىلدامايمىز، قالا ەڭ جاقسى جوبالاردى تاڭداۋعا قۇقىلى بولادى. بىزدە كومپانيالار ءۇشىن جوبالارى بار جەر اۋكسيوندارى ۇيىمداستىرىلادى. ەڭ جاقسى جوبانى كىم ۇسىنادى، قالا سوعان ارتىقشىلىق بەرەدى. ءبىز جوبانى ماقساتتى تۇردە العىمىز كەلەدى. ونىڭ ۇستىنە، مەن جەكە ينۆەستيسيالاردىڭ ءرولىن ارتتىرۋدى قالايمىن، سوندىقتان جەكە مەنشىك يەلەرى قالاعا، ەلگە عانا ەمەس، وزدەرى ءۇشىن دە قالاتىن اكتيۆتى العىسى نەمەسە سالعىسى كەلەدى»،-دەدى اكىم.
الماتى بۇرىن سالىنعان ساۋلەت جەتىستىكتەرىمەن ءومىر سۇرۋدە. ءبىز ولاردى ارلەيمىز ءارى رەتكە كەلتىرەمىز، دەدى قالا باسشىسى ءوز سوزىندە.
«شىن مانىندە، جاڭا الماتىنىڭ، جاڭا قازاقستاننىڭ سيمۆولىنا اينالعان نارسەلەر ساۋساقپەن سانارلىقتاي عانا. مەن قالادا ولاردىڭ كوپ بولعانىن قالايمىن. ول ءۇشىن ءبىز جاعداي جاسايمىز، تۇرعىن ءۇي قۇرىلىسىنىڭ شەكاراسىن ناقتى ءبولۋىمىز كەرەك. سونداي-اق، قالا ارحيتەكتۋراسى دەگەن نە جانە تۇرعىن ۇيمەن قامتاماسىز ەتۋ تۇرىندەگى الەۋمەتتىك پروبلەمالاردى شەشۋ دەگەن نە دەگەن ماسەلەنى بولگەن ءجون. باس جوسپارعا سايكەس قالا ءۇشىن جارعى نەمەسە كودەكس بولۋى جانە ونى قاتاڭ ساقتاۋ كەرەك. سىزدەر جاساعان بارلىق نارسە ءبىر جىلعا ەمەس، ون جىلعا، ۇرپاققا ارنالعان. ءبىز ەۋروپاعا بارعاندا، ونداعى سالىنعان قۇرىلىستاردى كورىپ تاڭ قالامىز ءارى ءسوز ەتەمىز. مەن الماتى تۋرالى دا وسىنداي سوزدەردىڭ ايتىلعانىن قالايمىن»،-دەدى ە. دوسايەۆ.