جىل باسىنان بەرى جۇمىس توبى 37 ستيحيالى قوقىس ورنىن انىقتادى
قازاقستاندا 2018 جىلدان باستاپ 39 ەلدى مەكەنگە، ونىڭ ىشىندە الماتى قالاسىنا عارىش مونيتورينگى جۇرگىزىلەدى. عارىشتىق مونيتورينگ ناتيجەلەرى گەوسەرۆيس ارقىلى قوقىس قالدىقتارى جينالاتىن ورىنداردى كورسەتەدى ءارى ولاردى ءتيىستى قىزمەتتەر باقىلايدى، دەپ حابارلايدى Almaty-akshamy.kz.
سەرۆيس قوقىستىڭ ورنىن، ءتۇرىن، ۋاقىتىن انىقتاپ، ماماندار تۇسىنىكتەمە ەنگىزە الادى. گەوپورتالدىڭ كومەگىمەن 2021 جىلى 17 قوقىس ءۇيىندىسى تىركەلگەن، ال وسى جىلدىڭ باسىنان بەرى تۇركسىب جانە مەدەۋ اۋداندارىندا 10 ستيحيالى قوقىس ورنى انىقتالعان. جەرگىلىكتى اكىمدىكتەر انىقتالعان اۋماقتاردا تازالاۋ جۇمىستارىن جۇرگىزىپ جاتىر.
ستيحيالى قوقىس ورىندارىن انىقتاۋ ءۇشىن قالا اكىمدىگى ەكولوگيا دەپارتامەنتى، مامانداندىرىلعان تابيعاتتى قورعاۋ پروكۋراتۋراسى، اۋدان اكىمدىكتەرى مەن «مەدەۋ» مەملەكەتتتىك وڭىرلىك تابيعي ساياباعى» مم ماماندارىنان تۇراتىن ارنايى جۇمىس توبىن قۇردى.
جىل باسىنان بەرى جۇمىس توبى 37 ستيحيالى قوقىس ورنىن انىقتاپ، ونىڭ 32 جويىلدى، قالعان 5 تازالاۋ جۇمىستارى جۇرگىزىلىپ جاتىر. 2021 جىلى جالپى قۇنى 109 ملن بولاتىن 2،5-عا جۋىق اكىمشىلىك حاتتاما تولتىرىلدى (ق ر «اكىمشىلىك قۇقىقبۇزۋشىلىقتار تۋرالى» كودەكسىنىڭ 505-بابى اباتتاندىرۋ ەرەجەلەرىن بۇزۋ بويىنشا). وسى جىلدىڭ باسىنان بەرى قۇنى 43،2 ملن تەڭگە بولاتىن 1255 حاتتاما تولتىرىلدى.
الىنعان مالىمەتتەر ستيحيالى قوقىستاردىڭ اشىق الاڭداردا، جىرا-سايلاردا، قورشالماعان جەكە قۇرىلىس اۋماقتارىندا، الماتى وبلىسىمەن شەكارالاس قالا اۋماعىنا قوسىلعان اۋىلداردا جيناقتالىپ قالاتىنىن كورسەتتى.
الماتى قالاسىنىڭ اۋماعىندا تۇرمىستىق قاتقىل قوقىستاردى تاستاۋعا ارنالعان 8000 كونتەينەر، 1500 كونتەينەر الاڭدارى بار. قوقىستار ناۋرىزباي اۋدانى مەن الماتى وبلىسى قاراساي اۋدانىنىڭ شەكاراسىندا ورنالاسقان اقساي كارەرىنە جەتكىزىلەدى. بيوىدىرايتىن جانە ءىرى سۇرىپتالمايتىن قوقىستار الماتى وبلىسىنداعى پوليگونعا جەتكىزىلەدى.
قايتالاما شيكىزاتتى ءبولىپ جيناۋ ماقساتىندا كونتەينەر الاڭدارىندا توردان جاسالعان 1000 اسا كونتەينەر مەن 300-گە جۋىق نان قالدىقتارى سالىناتىن كونتەينەر ورناتىلعان. ولاردى قايتا وڭدەۋدى شوب جۇزەگە اسىرادى. سونىمەن قاتار قالا اۋماعىندا 37 قايتالاما شيكىزات قابىلداۋ ورتالىقتارى جۇمىس جاسايدى، ال ۇيىمداردا قاعاز، پلاستيك جانە اينەك قوقىستاردى ءبولىپ سالۋعا ارنالعان مىڭنان اسا ەكوبوكس قويىلعان.
ستيحيالى قوقىس ۇيىندىلەرىنىڭ جاڭادان پايدا بولۋىنىڭ الدىن الۋ ءۇشىن قالا تۇرعىندارى مەن قوناقتارىن قالانى اباتتاندىرۋ ەرەجەلەرىن ساقتاۋلارى، قوقىس تاستاۋعا ارنالعان ارنايى كونتەينەرلەردى پايدالانۋعا جانە ارنايى قوقىس پوليگونىنا جەتكىزۋگە كەلىسىمشارتى بار ۇيىمدارمەن جۇمىس جاساۋلارى ءتيىس.
سونداي-اق باقىلاۋ جانە شۇعىل شارا قولدانۋ ماقساتىندا WhatsApp مەسەندجەرىندە تابيعاتتى قورعاۋ پروكۋراتۋراسى، ەكولوگيا دەپارتامەنت مەن اۋدان اكىمدەرىنىڭ ورىنباسارلارىنىڭ قاتىسۋىمەن ارنايى چات قۇرىلدى.
تازالىقتى ساقتاۋ، جينالعان قوقىستاردى دەر كەزىندە تاسىمالداۋ، ستيحيالى قوقىس ورىندارىنىڭ پايدا بولۋىنىڭ الدىن الۋ ءۇشىن قالا تۇرعىندارى مەن قوناقتارىن الماتى قالاسىنىڭ ەكولوگيا جانە قورشاعان ورتا باسقارماسىنا حابارلاسۋلارىن سۇرايمىز (Whatsapp +7 707 912 16 26).