جىل باسىنان بەرى الماتى قالاسىنىڭ كەدەنشىلەرى 528 ملن تەڭگەنى زاڭسىز الىپ وتپەك بولعان جەكە تۇلعالاردىڭ جولىن كەستى.
الماتى قالاسى بويىنشا مەملەكەتتىك كىرىستەر دەپارتامەنتىنىڭ مالىمەتىنشە، «جەتىسۋ» كەدەن بەكەتىنىڭ قىزمەتكەرلەرى وسى كەزەڭدە اقبتك-نىڭ 551، 545-باپتارى بويىنشا 103 اكىمشىلىك ماتەريال تولتىرعان، سونداي-اق قىلمىستىق قۇقىق بۇزۋشىلىق بەلگىلەرى بار 13 فاكت انىقتاعان، دەپ حابارلايدى Almaty-akshamy.kz قازاقپارات سىلتەمە جاساپ.
«انىقتالعان نەمەسە دەكلاراسيالانباعان قولما-قول اقشا قاراجاتىنىڭ سوماسى 528 ملن تەڭگەدەن استى، وسى بۇزۋشىلىقتار بويىنشا سالىنعان ايىپپۇل سوماسى - 3،2 ملن تەڭگە. ماسەلەن، قاڭتاردا الماتى-ابۋ-دابي باعىتىنداعى اۋە رەيسىنىڭ كەدەندىك باقىلاۋىنان وتكەننەن كەيىن ۇشىپ شىعۋ زالىندا قازاقستان ازاماتى تەكسەرىلدى، وندا 57 000 اقش دوللارى مولشەرىندە دەكلاراسيالانباعان قولما-قول اقشا بولعان. سول سياقتى اقپاندا الماتى-ىستامبۇل اۋە رەيسىنە كەدەندىك باقىلاۋ جۇرگىزۋ 97 000 اقش دوللارى مولشەرىندە دەكلاراسيالانباعان قولما-قول قاراجات تابىلدى. ماتەريالدار ەكونوميكالىق تەرگەۋ دەپارتامەنتىنە بەرىلدى. كۇدىكتىلەرگە قىلمىستىق كودەكستىڭ 234-بابى بويىنشا قىلمىستىق ءىس قوزعالدى»، - دەپ جازدى ۆەدومستۆودان.
دەپارتامەنت وكىلدەرى مامىردا سەۋل-الماتى باعىتىنداعى اۋە رەيسىنىڭ كەدەندىك باقىلاۋىنان وتكەننەن كەيىن ۇشىپ شىعۋ زالىندا 12 000 اقش دوللارى مولشەرىندە قولما-قول اقشاسى بار تۇرعىننىڭ ۇستالعانىن دا مالىمدەدى. ماۋسىمنىڭ باسىندا ۇشىپ كەلۋ زالىندا دۋباي-الماتى اۋە رەيسىنەن تۇسكەن ازاماتتى تەكسەرۋ بارىسىندا 23 200 اقش دوللارى انىقتالعان. ازاماتشا اكىمشىلىك قۇقىقبۇزۋشىلىق ءۇشىن جاۋاپكەرشىلىككە تارتىلدى.