جەتىسۋ الاتاۋ تاۋىنىڭ سولتۇستىك جوتاسىنا قاراي 109 كوشكىن ءقاۋپى بار ۋچاسكە ورنالاسقان
الماتى وبلىسىنىڭ تاۋلارىندا الداعى بەس كۇن بويى كوشكىن ءجۇرۋ ءقاۋپى ساقتالادى، دەپ حابارلايدى Almaty-akshamy.kz توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
«الماتى وبلىسىنداعى تاۋلاردا 24 مەن 28 ناۋرىز ارالىعىندا كوشكىن ءجۇرۋ ءقاۋپى ساقتالادى»، - دەلىنگەن حابارلامادا.
قۇتقارۋشىلار ازاماتتار، تۋريستەر مەن دەمالۋشىلاردى قار كوشكىنى ورىن الۋى مۇمكىن قار بەتكەيىنە شىقپاۋعا، سونداي-اق تاۋلى ايماقتا بارلىق قاۋىپسىزدىك شارالارىن ساقتاۋعا شاقىردى.
الماتى وبلىسىنىڭ اۋماعىندا ەڭبەكشىقازاق، تالعار، قاراساي، سارقاند، ەسكەلدى اۋداندارى مەن تەكەلى قالاسىندا، سونىمەن قاتار ىلە الاتاۋىنىڭ جوتاسىنىڭ وڭ بەتكەيى مەن جەتىسۋ الاتاۋ تاۋىنىڭ سولتۇستىك جوتاسىنا قاراي 109 كوشكىن ءقاۋپى بار ۋچاسكە ورنالاسقان.
تجد مالىمەتىنشە، نەگىزىنەن قار كوشكىنىنىڭ ورىن الۋى تەمپەراتۋرانىڭ جوعارىلاۋى مەن كوپ مولشەردە جاڭبىر مەن قاردىڭ جاۋۋى سالدارىنان ورىن الادى.