ءقازىر دەنساۋلىق ساقتاۋ مينيسترلىگى مارقۇمداردىڭ اعزالارىن الۋعا رۇقسات سۇراۋ ءتارتىبىن وزگەرتۋدى ۇسىنىپ وتىر. بۇل جونىندە 31 ارنانىڭ «ينفورمبيۋرو» جاڭالىقتار قىزمەتى حابارلايدى.
ناقتىراق ايتساق، رۇقسات سۇراۋ تۇسىنىگىن جويىپ، «ءۇنسىز قالعانى – كەلىسكەنى» ۇعىمىن ەنگىزبەك. دەمەك، بۇدان بىلاي ءحال ۇستىندە جاتقان ازاماتتىڭ ەلەكتروندىق ۇكىمەت پورتالىندا دەنە مۇشەلەرىن پايدالانۋعا قاتىستى پىكىرى بولماسا، ورگانى رەسيپيەنتكە اۋىستىرىلادى.
قازاقستاندا قايتىس بولعانداردىڭ ورگاندارىن پايدالانۋعا رۇقسات الۋ ءتارتىبى وزگەرتىلگەلى جاتىر. ياعني، ەندى كوزى تىرىسىندە قانداي دا ءبىر دەنە مۇشەسىن بەرۋدەن باس تارتپاعان ادامنىڭ ءبارى دونور ساناتىندا بولادى. ماسەلەن، بۇعان دەيىن ناۋقاسقا «مي ءولىمى» دياگنوزى قويىلسا، دارىگەرلەر «ەگوۆ» پورتالىنان مارقۇمنىڭ دونورلىققا قاتىستى پىكىرىن ىزدەيتىن. سەبەبى، كامەلەت جاسىنا تولعان ءار ازامات پورتالدا كەلىسەتىنىنە، نە كەلىسپەيتىنىنە قاتىستى اقپارات قالدىراتىن. ەگەر، بولماسا اق حالاتتىلار تۋىستارىمەن كەلىسسوز جۇرگىزۋگە كىرىسەدى.
ءبىراق، كوپ جاعدايدا سىرقاتتىڭ جاقىندارى تۋىستارىنىڭ ورگانىن بەرۋگە قارسى شىعادى. الايدا، بۇل دۇرىس تاجىريبە ەمەس دەيدى ماماندار. ويتكەنى، دونور بولا ما، جوق پا، ول – ءار ادامنىڭ جەكە تاڭداۋى. تۇزەتۋلەردىڭ نەگىزگى سەبەبى دە سول. دەمەك، «ەگوۆتا» پىكىرى بولماسا، اۆتوماتتى تۇردە دونور اتانادى. ال الماتىلىقتار ادام پىكىرىن كوزى تىرىسىندە سۇراۋ كەرەك دەپ وتىر.
«ەشقانداي تۋىسقاندارىمەن سويلەسۋ بولماۋ كەرەك نەگىزى. ونداي ءتارتىپ ەشقايدا وسى الەمدە ءتارتىپ جوق. ءولىم جاعدايىندا دونور بولعىسى كەلە مە، جوق پا ەكەن سونداي اقپاراتتى قالدىرۋ كەرەك. ەگەر، ونداي اقپارات بولماسا، وندا كەلىستى دەگەن بولادى، شەشىم قابىلدانادى»، – دەيدى رەسپۋبليكالىق ترانسپلانتاسيانى ۇيلەستىرۋ ورتالىعىنىڭ ديرەكتورى ساۋلە شايسۇلتانوۆا.
ال، ءوتىنىشتى راسىمدەۋ ءتىپتى وڭاي. بار بولعانى، ەلەكتروندىق ۇكىمەت پورتالىنا كىرىپ، تاڭداۋ جاسايسىز. ياعني، الدىمەن «دانساۋلىق ساقتاۋ» بولىمىنە، كەيىن وڭ جاق بۇرىشتاعى «ترانسپلانتاتتاۋ ماقساتىندا اعزالاردىڭ جانە تىندەردىڭ قايتىس بولعاننان كەيىنگى دونورلىعىنان ءتىرى كەزىندە باس تارتۋ نەمەسە كەلىسىم الۋدى تىركەۋ» بولىمىنە وتەسىز. سوسىن، «ونلاين سۇراۋ» باتىرماسىن باسىپ، ەكى نۇسقانىڭ ءبىرىن تاڭدايسىز. پىكىرىڭىزدى، ەلەكتروندىق سيفرلىق قولتاڭبامەن بەكىتەسىز.
ماماندار ءبىر دونور 4 ادامنان 7 ادامعا دەيىن قۇتقارا الادى دەپ وتىر. ال، سوڭعى ون جىل ىشىندە 110 ادام مايىتتىك دونور بولۋعا كەلىسىم بەرگەن ەكەن. ياعني، 450 ورگان اۋىستىرىلعان. بۇل 450 كىسى ەكىنشى مۇمكىندىك الدى دەگەن ءسوز. ءارى، ءار ورگاننىڭ كونسەرۆاسيالاۋدان كەيىنگى جارامدىلىق مەرزىمى بولادى، دەيدى ماماندار. ياعني، بۇيرەك – 24 ساعات، باۋىر – 12، جۇرەك جانە وكپە 6 ساعاتقا شىدايدى ەكەن.
ايتا كەتەيىك، قازاقستان مۇسىلماندارى ءدىني باسقارماسى دا تراسپلانتاسيا جاساۋ، ياعني ءبىر ادامنىڭ كەيبىر اعزالارىن ەكىنشى ءبىر ادامعا اۋىستىرۋعا رۇقسات ەتىلەدى دەپ پىكىر ءبىلدىرىپ وتىر.