كوۆيد ناۋقاستارعا بولىنگەن توسەك-ورىن قورى ونلاين باقىلانادى

ەلىمىزدە كوروناۆيرۋسپەن اۋىرعاندارعا بولىنگەن توسەك-ورىن قورىن باقىلاۋ ەندى ونلاين رەجيمدە جۇرگىزىلەدى.

ورىنمەن قامتىلۋدى قاداعالاۋ ءۇشىن ويلاستىرىلعان ينتەراكتيۆتى كارتا  - وڭىرلەر بويىنشا مەديسينالىق ۇيىمدار دەڭگەيىنە دەيىن احۋالدى باعالاۋعا جانە جەدەل دەن قويۋ شارالارىن قابىلداۋعا مۇمكىندىك بەرەدى، دەپ حابارلايدى Almaty-akshamy.kz Qazaqtv.com-عا سىلتەمە جاساپ. 

بۇل تۋرالى ۇكىمەت وتىرىسىندا ەلىمىزدىڭ دەنساۋلدىق ساقتاۋ ءمينيسترى ءمالىم ەتتى. اجار عينياتتىڭ ايتۋىنشا،  بۇل كارتا اكىمدىكتەرگە، دەنساۋلىق ساقتاۋ باسقارمالارىنا قولجەتىمدى جانە  كۇندەلىكتى شەشىم قابىلداۋعا ىڭعايلى. ىندەتتىڭ ەڭ كوپ تارالۋى ءقازىر ەلىمىزدىڭ 6 وڭىرىندە بايقالادى.

بۇل - اقتوبە، باتىس-قازاقستان، قاراعاندى، پاۆلودار، اقمولا جانە قوستاناي وبلىستارى. ال الماتىدا سوڭعى ءبىر اپتادا جاعداي جاقسارعانىن ايتا كەتكەن ءجون. جالپى، ەلىمىز بويىنشا ينفەكسيالىق توسەك-ورىندار 30 پروسەنتتكە، رەانيماسيالىق ورىندار 7 پروسەنتكە تولتىرىلعان.

«اۋىرعان ادامداردىڭ 80% - ەگىلمەگەن ادامدار نەمەسە 6 اي بۇرىن ەگىلگەن ادامدار ەكەنىن ەسكەرسەك، ۋاقىتىلى كۆي-عا قارسى ريەۆاكسيناسيامەن قامتۋ قاجەت ەكەندىگىن كورسەتەدى. بۇگىنگى كۇنى ريەۆاكسيناسيانى 5 ملن.استام ادام الدى. سونىمەن قاتار بۇل جۇمىس 3 وڭىردە دۇرىس دەڭەيدە ورىندالىپ جاتقان جوق، ياعني، كورسەتكىش 55%-دان تومەن. بۇل – اتىراۋ، قاراعاندى، باتىس قازاقستان وبلىستارى»، - دەدى ق ر دەنساۋلىق ساقتاۋ ءمينيسترى اجار عينيات.