ەل اۋماعىندا جاڭبىر جاۋىپ، كۇن كۇركىرەيدى
3 تامىز، سارسەنبىگە ارنالعان اۋا رايى بولجامى جاريالاندى، دەپ حابارلايدى Almaty-akshamy.kz قازگيدرومەتكە سىلتەمە جاساپ.
قازاقستان تەرريتورياسىنىڭ باسىم بولىگى اتموسفەرالىق فرونتتاردىڭ ىقپالىندا بولادى. فرونتتار سولتۇستىكتەن وڭتۇستىككە اۋىسا وتىرىپ، جاڭبىر جاۋعىزادى، سالدارىنان نايزاعاي ويناپ، ەكپىندى جەل سوعادى.
كۇندىز ورتالىقتا، وڭتۇستىك-شىعىستىڭ تاۋلى اۋداندارىندا قاتتى جاڭبىر جاۋادى، باتىستا، شىعىستا، وڭتۇستىك-شىعىستا بۇرشاق جاۋۋى مۇمكىن.
تۇندە جانە تاڭەرتەڭ رەسپۋبليكانىڭ سولتۇستىگىندە، سولتۇستىك-باتىسىندا تۇمان تۇسەدى. تەك ەلىمىزدىڭ وڭتۇستىك-باتىسىندا، سولتۇستىگىندە انتيسيكلون سىلەمى بار جەرلەردە جاۋىن-شاشىن توقتايدى.
كۇندىز قاراعاندى وبلىسىنىڭ شىعىسىندا، ورتالىعىندا، جامبىل وبلىسىنىڭ تاۋلى اۋداندارىندا قاتتى جاڭبىر جاۋادى.
كۇندىز اتىراۋ وبلىسىنىڭ باسىم بولىگىندە قاتتى ىستىق ساقتالادى.
قىزىلوردا وبلىسىنىڭ باسىم بولىگىندە، اباي وبلىسىنىڭ وڭتۇستىگىندە، اتىراۋ وبلىسىنىڭ سولتۇستىگىندە توتەنشە ءورت ءقاۋپى ساقتالادى.
نۇر-سۇلتان قالاسىندا اسپاندا كوشپەلى بۇلت جوڭكىلەدى، جاۋىن-شاشىن جوق. سولتۇستىك-شىعىستان جەل سوعادى، كۇندىز ەكپىنى 15-20 م/س جەتەدى. اۋا تەمپەراتۋراسى تۇندە +11+13°س، كۇندىز +23+25°س بولادى.
الماتى قالاسىندا كوشپەلى بۇلت شىعىپ، وتكىنشى جاڭبىر جاۋادى، كۇن كۇركىرەيدى. سولتۇستىك-شىعىستان جەل سوعادى، كۇشى - 3-8 م/س. اۋا تەمپەراتۋراسى تۇندە +19+21°س، كۇندىز +29+31°س بولادى.
شىمكەنت قالاسىندا كوشپەلى بۇلتتى، كەي ۋاقىتتا جاڭبىر جاۋىپ، نايزاعاي جارقىلدايدى، داۋىل تۇرادى. وڭتۇستىك-باتىستان جەل سوعادى، كۇشى - 8-13، ەكپىنى - 15-20 م/س. اۋا تەمپەراتۋراسى تۇندە +18+20°س، كۇندىز +31+33°س بولادى.