تۇركيانىڭ يزنيك قالاسىندا ءوتىپ جاتقان دۇنيەجۇزىلىك كوشپەندىلەر ويىنىندا قازاق كۇرەسىنەن مارات نىعماتۋللايەۆ چەمپيون اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءدۇبىرلى دودادا 60 كەلى سالماقتا سىنعا تۇسكەن قازاقستاندىق بالۋان فينالدا موڭعول بالۋانىن جەڭىپ كەتتى.
ول نەبارى ەكى مينۋتتا قارسىلاسىنان «تازا جەڭىس» ادىسىمەن باسىم ءتۇستى.
ايتا كەتسەك، قازاق كۇرەسىنەن التى سالماقتا جۇلدەلەر ساراپقا سالىنادى. ەندى ەرلەردەن ماقسات يساعابىلوۆ (80 كەلىدەن جوعارى)، ەلامان قويشىبايەۆ (80 كەلى) بوزكىلەمگە شىعادى.
ال ايەلدەردە راۋزا نۇرماحامەتوۆا (55 كەلى)، زارينا ساريپوۆا (65 كەلى) جانە ءمولدىر ازامات (65 كەلىدەن جوعارى) ەل نامىسىن قورعايدى.
قازاق كۇرەسى باسەكەسىنە الەمنىڭ 20-عا جۋىق ەلىنەن 60-تان استام بالۋان كەلگەن. ونىڭ ىشىندە 19-ى ايەلدەر اراسىندا ب ا ق سىنايدى.
سونداي-اق، بۇگىن قازاقستاندىق سپورتشىلار كوكپار مەن كوكبورىدەن سايىسقا تۇسەدى.
كوشپەندىلەر ويىندارىنا الەمنىڭ 102 ەلىنەن 3 مىڭنان استام سپورتشى كەلدى. قازاقستاننىڭ اتىنان 50 سپورتشى كوكپار، كوكبورۇ، قازاق كۇرەسى، ءداستۇرلى ساداق اتۋ، جامبى اتۋدان سىنعا تۇسۋدە.
ەسكە سالساق، بۇدان بۇرىن اتالعان دودادا قانات قاسىمحان ءداستۇرلى ساداق اتۋدان كۇمىس الدى.