جەكسەنبى كۇنى برازيليالىقتار ەل پرەزيدەنتىن، 81 سەناتوردىڭ 27ء-سىن، دەپۋتاتتار پالاتاسىنىڭ بۇكىل 513 مۇشەسىن جانە 27 گۋبەرناتور مەن شتاتتىڭ زاڭ شىعارۋشى ورگانىنىڭ باسشىلارىن سايلايدى، دەپ حابارلايدى Almaty-akshamy.kz Inform.kz-كە سىلتەمە جاساپ.
پرەزيدەنت جانە گۋبەرناتور سايلاۋىندا ءبىر دە ءبىر ۇمىتكەر داۋىستىڭ جارتىسىنان كوبىن جيناي الماسا، ەكىنشى كەزەڭ 30 قازاندا وتەدى.
پرەزيدەنت كرەسلوسىنا ەكى ساياسي تۇلعا - قازىرگى پرەزيدەنت جاير بولسونارۋ مەن ەلدى 2003-2010 جىلدارى باسقارعان بۇرىنعى پرەزيدەنت لۋيس يناسيۋ لۋلا دا سيلۆا تالاسادى.
سايلاۋدىڭ الدىندا وتە اگرەسسيۆتى سايلاۋالدى ۇگىت ناۋقانى بولدى.
جەڭىمپاز وتە اۋىر ەكونوميكالىق جاعدايدا قالعان ەلدى باسقاراتىن بولادى.
پاندەميا كەزىندەگى ەكونوميكانى ىنتالاندىرۋ شىعىندارى جانە رەسەيدىڭ ۋكرايناعا باسىپ كىرۋىنەن كەيىنگى ەكونوميكالىق قۇلدىراۋ سالدارى ينفلياسيا مەن تۇتىنۋ باعاسىنىڭ وسۋىنە اكەلدى.
ەڭ قاتتى زارداپ شەككەندەر - سوڭعى ايلارداعى ەكونوميكالىق وسىمگە قاراماستان، كۇنىن ارەڭ كورىپ جۇرگەن تابىسى تومەن برازيليالىقتار.
الايدا كوپتەگەن شولۋشىلاردىڭ پىكىرىنشە، پرەزيدەنت سايلاۋى، ەڭ الدىمەن، برازيليا دەموكراتياسىنا قاتىستى رەفەرەندۋمنىڭ ءبىر ءتۇرى بولماق.