ءداستۇرلى ساداق اتۋدان «پۋتا» نىساناسى بويىنشا ونەر كورسەتكەن جانىبەك قۇلمىرزايەۆ التىن مەدالعا يە بولدى.
بۇل تۋرالى «ۇلتتىق جانە ات سپورت تۇرلەرى ورتالىعىنىڭ» باسپا ءسوز قىزمەتى مالىمدەدى، دەپ حابارلايدى aqshamnews.kz.
«ارعىماق» ات-سپورت كەشەنىندە ءوتىپ جاتقان باسەكەگە 33 مەملەكەتتەن 180 سپورتشى قاتىسىپ جاتىر. بۇل سپورت تۇرىنەن قازاقستان قۇراماسى ساپىنان 10 سپورتشى ەل نامىسىن قورعايدى.
بۇگىن ءداستۇرلى ساداق اتۋدان قاسىمحان قانات پەن ايكوركەم باتيحان قولا جۇلدەگە يە بولعان ەدى.