2024 جىلدىڭ 4 قىركۇيەگىندە ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باستاماسىمەن، الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ بۇيرىعىمەن بەكىتىلگەن كەستەگە سايكەس، المالى اۋدانىنىڭ سانيتاريالىق-ەپيدەميولوگيالىق باقىلاۋ باسقارماسىندا ازاماتتارعا مەملەكەتتىك قىزمەتتەردى الۋ ماسەلەسىندە كومەك كورسەتۋ ماقساتىندا «Qoldau» اكسياسى ۇيىمداستىرىلدى، دەپ حابارلايدى
اكسيانىڭ نەگىزگى ماقساتى – ازاماتتار مەن كاسىپكەرلەرگە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك قىزمەتتەردى الۋدا قولداۋ كورسەتۋ جانە كەڭەس بەرۋ. ءىس-شارا بارىسىندا قاتىسۋشىلارعا سول جەردە ەلەكتروندى ءوتىنىش بەرۋ مۇمكىندىگى ۇسىنىلدى.
اكسياعا الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ، المالى اۋدانىنىڭ سانيتاريالىق-ەپيدەميولوگيالىق باقىلاۋ باسقارماسىنىڭ باسشىلىق قۇرامىنىڭ وكىلدەرى جانە مەملەكەتتىك قىزمەتتەردى جۇزەگە اسىراتىن قىزمەتكەرلەر قاتىستى. سونىمەن قاتار، شاراعا ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ قىزمەتكەرلەرى نازىم قايرات قىزى ارينوۆا جانە ازامات ەرمەكوۆيچ مەيراموۆ تا اتسالىستى.
الداعى ۋاقىتتا وسىنداي ءىس-شارالار بەكىتىلگەن كەستەگە سايكەس بارلىق اۋداندىق باسقارمالار مەن دەپارتامەنتتە وتكىزىلەتىن بولادى. بۇل تۋرالى الدىن الا دەپارتامەنتتىڭ ينتەرنەت-رەسۋرسى مەن «Instagram»، «Facebook» الەۋمەتتىك جەلىلەرىندەگى رەسمي پاراقشالارىندا حابارلاناتىن بولادى.