"زاڭسىز كەلۋشى – 2024" جەدەل-پروفيلاكتيكالىق ءىس-شاراسىنىڭ ءۇش كۇنىندە كولىك پوليسەيلەرى 112 ازاماتتى اكىمشىلىك جاۋاپكەرشىلىككە تارتتى، دەپ حابارلايدى اlmaty-akshamy.kz.
ونىڭ ىشىندە ەلدە بولۋ ەرەجەلەرىن بۇزعانى ءۇشىن 90 شەتەلدىك، ولاردىڭ 87ء-سى تمد ەلدەرىنەن بولسا، 3ء-ۋى الىس شەتەل ازاماتتارى. بۇل تۋرالى كولىكتەگى پوليسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ ايتتى.
ونىڭ ايتۋىنشا، سوت شەشىمى بويىنشا 17 شەتەلدىك ەلدەن تىسقارى شىعارىلدى. ماسەلەن، ارىس-1 ستانسياسىنداعى جەلىلىك پوليسيا ءبولىمىنىڭ قىزمەتكەرلەرى تەمىرجول ۆوكزالىن تەكسەرۋ كەزىندە زاڭنامادا بەلگىلەنگەن مەرزىم وتكەننەن كەيىن ون تاۋلىكتەن استام ۋاقىت ىشىندە كەتۋدەن جالتارعان ق ر كوشى-قون زاڭناماسىن بۇزعان وزبەكستان رەسپۋبليكاسىنىڭ 15 ازاماتىن انىقتادى.
تۇركىستان وبلىسى سارىاعاش اۋدانىنىڭ مامانداندىرىلعان اكىمشىلىك سوتىنىڭ شەشىمىمەن 10 شەتەلدىك ق ر اۋماعىنا كىرۋگە 5 جىل مەرزىمگە تىيىم سالۋ بەلگىلەنىپ ەلدەن شىعارىلسا، قالعان ازاماتتارعا 25 اەك (92 300 تەڭگە) مولشەرىندە ايىپپۇل سالىندى.