ۋتيل الىمى تۋرالى پەتيسيانى قاراۋ جونىندەگى جۇمىس توبىنىڭ وتىرىسى ونىڭ باستاماشىلارىنىڭ قاتىسۋدان باس تارتۋىنا بايلانىستى وتپەدى، دەپ حابارلايدى اlmaty-akshamy.kz.
بۇگىن ونەركاسىپ جانە قۇرىلىس مينيسترلىگىندە ۋتيل الىمى ماسەلەلەرى بويىنشا پەتيسيانى قاراۋ جونىندەگى جۇمىس توبىنىڭ ءبىرىنشى وتىرىسى ءوتۋى ءتيىس بولاتىن.
ونىڭ قۇرامىنا ق ر پارلامەنتىنىڭ دەپۋتاتتارى، ونەركاسىپ جانە قۇرىلىس، ەكولوگيا جانە تابيعي رەسۋرستار، قارجى، اۋىل شارۋاشىلىعى، سيفرلىق دامۋ، يننوۆاسيالىق جانە اەروعارىش ونەركاسىبى، مادەنيەت جانە اقپارات ۆيسە-مينيسترلەرى، ق ر سىرتقى ىستەر ءمينيسترىنىڭ ورىنباسارلارى، باسقا دا مۇددەلى مەملەكەتتىك ورگانداردىڭ وكىلدەرى كىردى.
سونىمەن قاتار، جۇمىس توبىنىڭ قۇرامىنا قوعامدىق بىرلەستىكتەردىڭ، ساراپشىلار قاۋىمداستىعىنىڭ، ونەركاسىپ سالاسىنىڭ وكىلدەرى، سونداي-اق ۋتيل الىمىن جويۋدى جاقتاۋشىلار س.بوقايەۆ، ە.كۋلباسوۆ، د.ماكەشوۆ، د.سالىكوۆ جانە باسقا دا ازاماتتار قوسىلدى.
مينيسترلىك بارلىق مۇددەلى تاراپتاردى شاقىرىپ، جۇمىس توبىنىڭ وتىرىسىن وتكىزۋ ءۇشىن قاجەتتى ۇيىمداستىرىلعان شارالاردى ازىرلەپ، جۇمىس وتىرىسىنىڭ ءتۇسىرىلىمى جانە وتىرىستىڭ حاتتاماسىن قامتاماسىز ەتتى.
ونەركاسىپ جانە قۇرىلىس مينيسترلىگىنىڭ عيماراتى – ستراتەگيالىق نىساننىڭ بارۋ رەگلامەنتىندە كەلۋشىلەر ۇيالى تەلەفوندارىن وزىمەن بىرگە الا المايتىنى جانە ونى كىرە بەرىستە قالدىرۋى كوزدەلگەنىن ايتا كەتكەن ءجون. الايدا، ءوتىنىشتىڭ باستاماشىسى س.بوقايەۆ جانە ونىڭ وكىلدەرى رەگلامەنت تالاپتارىن ورىنداۋدان جانە جۇمىس توبىنىڭ وتىرىسىنا قاتىسۋدان باس تارتتى.
وسىعان بايلانىستى ق ر ونەركاسىپ جانە قۇرىلىس مينيسترلىگىنە بايلانىستى ەمەس سەبەپتەر كەسىرىنەن وتىرىستى وتكىزۋدى توقتاتۋعا تۋرا كەلدى.
"وتىرىسقا قاتىسۋ ءۇشىن پارلامەنت دەپۋتاتتارى، ونەركاسىپ ۆيسە-مينيسترلەرى، باسقا دا مەملەكەتتىك ورگانداردىڭ وكىلدەرى جينالدى. وڭىرلەردەن قوعام بەلسەندىلەرى كەلدى. الايدا، ءبىز جوسپارلانعان ءىس-شارانى توقتاتۋعا ءماجبۇر بولدىق، ويتكەنى پەتيسيانىڭ باستاماشىسى وعان قاتىسۋدان باس تارتىپ، مينيسترلىكتىڭ وعان جۇمىس توبىنىڭ وتىرىسى اياقتالعاننان كەيىن بەينەجازبانى ۇسىنۋىنا كەلىسپەدى"، - دەپ حابارلادى ق ر ءوقم باسپا ءسوز قىزمەتى.
سونداي-اق مينيسترلىك الداعى ۋاقىتتا كونسترۋكتيۆتى ديالوگتى كۇتەتىندەرىن اتاپ ءوتتى.