فۋتبولدان ەۋروپا چەمپيوناتىنىڭ باستالۋىنا 8 كۇن قالدى. وعان ەۋروپانىڭ ۋەفا قۇرامىنا كىرەتىن 55 مەملەكەتتىڭ 24 ۇزدىك كومانداسى ىرىكتەلىپ الىندى، دەپ حابارلايدى اlmaty-akshamy.kz.
تۋرنيرگە قاتىساتىن قۇرامالار 6 توپقا بولىنگەن. گەرمانيا قۇراماسى چەمپيوناتتى وتكىزىپ جاتقان ەل بولعاندىقتان، بىردەن ا توبىنا جايعاستى. ءدۇبىرلى دودانىڭ اشىلۋ سالتاناتىن «Qazsport»-تان، ال چەمپيونات اياسىنداعى العاشقى كەزدەسۋدى ۇلتتىق ارنادان تاماشالاي الاسىز. ويىن كەستەسى مەن ترانسلياسيا ۋاقىتىن جانە ماچتاردىڭ قاي ارنادان كورسەتىلەتىنى تۋرالى تولىق مالىمەت «Qazaqstan» جانە «Qazsport» تەلەگرام-ارنالارىندا جاريالاندى.
ناعي باقىتبەكوۆ، «Qazsport» تەلەارناسىنىڭ ديرەكتورى
قازىرگى كەزدە بولاتىن بارلىق 51 ماچ «Qazaqstan» جانە «Qazsport» تەلەارنالارىنا ءبولىنىپ رەتتەلدى. جانە دە سول ماچتاردا جۇمىس جاسايتىن كوممەنتاتورلار دايىندالىپ جاتىر. ءاربىر ماچتىڭ الدىندا ستۋديالىق باعدارلامالار ۇيىمداستىرامىز. ول جەردە فۋتبول ماماندارى كەلىپ وتكەن ويىنداردى قورىتىندىلاپ، الداعى ويىندارعا وزدەرىنىڭ بولجامىن ايتاتىن بولادى.