ادامنىڭ سۋرەتى كەلىسىمسىز جاريالانسا، ايىپپۇل تولەيدى.
ءتىپتى كەي جاعدايدا باس بوستاندىعىنان ايىرىلۋى دا مۇمكىن، دەپ حابارلايدى aqshamnews.kz
زاڭ بويىنشا قوعامدىق ورىنداردا فوتو، ۆيدەو تۇسىرۋگە تىيىم سالىنباعان. ءبىراق ماتەريالدى پايدالانۋعا قاتىستى شەكتەۋلەر بار.
كونستيتۋسيانىڭ 20-بابىنا سايكەس، اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋعا جانە تاراتۋعا قۇقىعى بار. بۇل دەگەنىمىز، شىعارماشىلىق پەن ءسوز ەركىندىگىنە كەپىلدىك بەرىلگەن. ءبىراق بىرەۋدىڭ سۋرەتىن كەلىسىمسىز پايدالانۋ ادامنىڭ قۇقىعىن بۇزادى. وسىلايشا، قوعامدىق جەردە ەشبىر شەكتەۋسىز فوتو مەن ۆيدەو جاساۋعا بولادى. ال كادرعا بىرەۋ كىرىپ كەتسە، سول ادامنىڭ كەلىسىمى كەرەك. سەبەبى ول ادام ءوزىنىڭ سۋرەتىن پايدالانۋعا قارسى بولۋى مۇمكىن.
ازاماتتىق كودەكستىڭ 145-بابىندا ادامنىڭ ءوز بەينەسiنە قۇقىعى بەكىتىلگەن.
"قانداي دا بiر ادامنىڭ سۋرەتتiك بەينەسiن ونىڭ كەلiسiمiنسiز، ال ول قايتىس بولعان جاعدايدا مۇراگەرلەرiنiڭ كەلiسiمiنسiز پايدالانۋعا ەشكiمنiڭ دە قۇقىعى جوق"، - دەلىنگەن زاڭدا.
بىرنەشە جاعدايدا قوعامدىق ورىندا تۇسىرىلگەن سۋرەتتى كەلىسىمسىز جاريالاۋعا بولادى. ولار:
ويىن-ساۋىق، مادەني-بۇقارالىق جانە سپورتتىق ءىس-شارالاردا حالىقتىڭ اراسىندا ءجۇرىپ، فوتوعا ءتۇسىپ قالۋ؛
ادامنىڭ بەت-بەينەسى مەن قىزمەتىنە قاتىستى مالىمەتتەردى اشىق جاريالانۋى؛
بەينەلەنەتىن ادامدى پايدالانۋ كونستيتۋسيالىق قۇرىلىستى قورعاۋ، قوعامدىق ءتارتىپتى، ادامنىڭ قۇقىقتارى مەن بوستاندىقتارىن، حالىقتىڭ دەنساۋلىعى مەن يماندىلىعىن ساقتاۋ ماقساتىندا جۇزەگە اسىرۋ؛
ادام اقى الىپ، فوتو-ۆيدەوعا تۇسسە، كەلiسiم الۋدىڭ قاجەتى جوق.
ادامنىڭ سۋرەتى كەلىسىمسىز جاريالانسا، زاڭ بويىنشا ايىپپۇل قاراستىرىلعان. ال جەكەمەنشىك ايماقتا تۇسىرىلگەن فوتو مەن ۆيدەو ءۇشىن قىلمىستىق ءىس قوزعالۋى دا مۇمكىن. سەبەبى ونداي ارەكەت ادامنىڭ ومىرىنە قولسۇعۋشىلىق بولىپ سانالادى.
قىلمىستىق كودەكستىڭ 147-بابى، 2-بولىگى (ادامنىڭ جەكە نەمەسە وتباسى قۇپياسىن قۇرايتىن، جەكە ءومiرi تۋرالى ءمالiمەتتەردi ونىڭ كەلiسiمiنسiز زاڭسىز جيناۋ نە وزگە دە دەربەس دەرەكتەردi زاڭسىز جيناۋ جانە (نەمەسە) وڭدەۋ (تاراتۋدى قوسپاعاندا) ناتيجەسiندە ادامنىڭ قۇقىقتارى مەن زاڭدى مۇددەلەرiنە ەلەۋلi زيان كەلتiرۋ) بويىنشا بىرنەشە جازا قاراستىرىلعان.
ولار:
5 000 اەك-كە (18 460 000 تەڭگەگە) دەيiنگi ايىپپۇل؛
تۇزەتۋ جۇمىستارى؛
800 ساعاتقا دەيىنگى مەرزىمگە قوعامدىق جۇمىستار؛
ءۇش جىلعا دەيiنگi مەرزiمگە باس بوستاندىعىن شەكتەۋ؛
ءۇش جىلعا دەيىن باس بوستاندىعىنان ايىرۋ.
سوت قىلمىستىق ارەكەتتىڭ اۋىرلىعىنا قاراي بەس جازانىڭ بىرەۋىن تاعايىندايدى.
ال قىزمەت بابىن نەمەسە اقپاراتتى جاسىرىن الۋعا ارنالعان ارنايى تەحنيكالىق قۇرالداردى پايدالانا وتىرىپ جاسالعان ونداي ارەكەت ءۇشىن بەس جىلعا دەيىن باس بوستاندىعىنان ايىرۋ جازاسى قاراستىرىلعان.