دارىگەر ۇزاق ءومىر ءسۇرۋ ءۇشىن دۇرىس جانە تەڭگەرىمدى تاماقتانعان ءجون دەيدى.
ديەتولوگ الەكسەي كابانوۆ دۇرىس تاماقتانۋ ءۇشىن تالشىق پەن وسىمدىك تاعامدارىن كوپ قولدانۋ كەرەگىن ايتتى، دەپ حابارلايدى aqshamnews.kz
“كوبىنەسە ءبىز وسىمدىك تاعامدارىن، اقۋىزدارى مەن تالشىقتارىن از تۇتىنامىز. ءومىر جاسىڭىزدى ۇزارتۋ ءۇشىن كۇندەلىكتى جاڭا پىسكەن جەمىستەر مەن كوكونىستەردى، وسىمدىك مايلارىن جانە جاڭعاقتاردى تۇتىنعان ءجون. ديەتاعا ەت پەن ءسۇت قوسقانىڭىز ابزال”، -دەدى مامان Lenta.ru سايتىنا.
كۇن سايىن وسىمدىك مايى قوسىلعان كوكونىس سالاتى، قۇس ەتى جانە بالىق جەۋگە تىرىسىڭىز. دەسەرتكە شىرىن مەن ءتاتتى تاعامداردىڭ ورنىنا جەمىستەردى تۇتىنىڭىز.
ماماننىڭ ايتۋىنشا، ديەتادان قانىققان ماي مەن قانت قوسىلعان تاعامداردى ازايتۋ نەمەسە الىپ تاستاۋ ماڭىزدى،.
"ءدال وسى ەكى كومپونەنت سوزىلمالى جۇرەك جانە قان تامىرلارى اۋرۋلارىنىڭ، قانت ديابەتى مەن سەمىزدىكتىڭ دامۋىنا اكەلەدى. ۇزاق ءومىر ءسۇرۋدىڭ باستى جاۋى – ەت. سوندىقتان شوشقا جانە قوي ەتىن تولىعىمەن قولدانباعان ءجون. ال مايسىز سيىر ەتىن اپتاسىنا ءبىر-اق رەت تۇتىنعان ءجون. ەكىنشى جاۋ – قانت. سونداي-اق ونى تولىعىمەن جويۋعا نەمەسە مۇمكىندىگىنشە ازايتۋعا بولادى. ەڭ دۇرىسى،ءتاتتى اقۋىزداردى قولدانعان ءجون. ولاردىڭ بولاشاعى زور. ولار كومىرسۋلار ەمەس، اقۋىزدار، قانتتان 1000 ەسە ءتاتتى جانە اسقازان-ىشەك جولدارى ءۇشىن ءقاۋىپسىز"، – دەدى ول.