جولامان اۋەايلاعى ماڭىندا بولعان اۋە اپاتىنان ەكى ەكيپاج مۇشەسى كوز جۇمدى، دەپ حابارلايدى Aqshamnews.kz ءتىلشىسى.
وقيعا 22 ماۋسىم كۇنى شامامەن ساعات 11:30-دا بولعان. TL-2000 ۇلگىسىندەگى وقۋ-جاتتىعۋ ۇشاعى اۋەگە كوتەرىلگەن ساتتە اپاتقا ۇشىراعان. ۇشاق جەكە تۇلعانىڭ مەنشىگىندە بولعان.
الدىن الا مالىمەتتەرگە سايكەس، اۋە كەمەسىندە ەكى ەكيپاج مۇشەسى بولعان. وكىنىشكە قاراي، ەكەۋى دە وقيعا ورنىندا قازا تاپتى.
كولىك مينيسترلىگى وقيعا ورنىنا كولىكتەگى وقيعالار مەن ينسيدەنتتەردى تەرگەۋ دەپارتامەنتىنىڭ ماماندارى جىبەرىلگەنىن مالىمدەدى. اپاتتىڭ سەبەبىن انىقتاۋ ءۇشىن ارنايى كوميسسيا قۇرىلاتىن بولادى.