كورۋ قابىلەتى ناشار ازاماتتارعا ارنايى وقۋ جابدىقتارى ورناتىلدى

ينكليۋزيۆتى ورتا: الماتى كىتاپحانالارىندا زاعيپ جانە كورۋ قابىلەتى ناشار ازاماتتارعا ارنالعان ارنايى وقۋ جابدىقتارى ورناتىلىپ جاتىر

ا.پ.چەحوۆ اتىنداعى ورتالىق، Alatau Creative Hub، قازاقستان جازۋشىلارى كىتاپحاناسى جانە №4 فيليال سىندى قالا كىتاپحانالاردىڭ ءتورت فيليالىندا زاعيپ جانە كوزى ناشار كورەتىن وقىرماندار ءۇشىن مامانداندىرىلعان وقۋعا ارنالعان ورىندار قۇرىلدى. مۇندا وسى ساناتتاعى ازاماتتاردىڭ ءبىلىم الۋىنا، وقۋىنا تولىقتاي قولجەتىمدى بىرەگەي تەحنيكالىق جابدىقتار بار، دەپ حابارلايدى almaty-akshamy.kz

بۇل تەحنولوگيا ءماتىن تۇرىندەگى اقپاراتتى قولجەتىمدى فورماتقا اۋىستىرىپ، وڭدەيدى، ول زاعيپ جانە كورۋ قابىلەتى ناشار پايدالانۋشىلاردىڭ ماتىنمەن تانىسۋىنا، سونىمەن قاتار، ءماتىن بويىنشا ىزدەۋگە مۇمكىندىك بەرەدى. وقۋ ماشينالارى قۇجاتتاعى، كىتاپتاعى جانە جۋرنالداعى ءماتىندى سكانەرلەپ، جوعارى دالدىكپەن ءارى انىق اۋديوفورمات تۇرىندە بەرە الادى.

ءماتىن بويىنشا ىزدەۋ پايدالانۋشىلارعا ءماتىندى جىلجىتۋعا، ءبولىم مەن پاراققا اۋىسۋعا كومەكتەسەدى، وقۋ جانە زەرتتەۋ ۇدەرىسىن ىڭعايلى ءارى ءتيىمدى ەتەدى. كەلەسى جىلى كىتاپحانالاردى وسىنداي قۇرىلعىلارمەن جابدىقتاۋدى جالعاستىرۋ جوسپارلانىپ وتىر.