ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە اقتوبە وبلىستىق ونەر مۋزەيىنىڭ قورىنان جانە قالا سۋرەتشىلەرى شىعارمالارىنان قۇرالعان «اقتوبە بوياۋلارى» اتتى كورمەسى اشىلدى.
كورمەدە 60-قا جۋىق وسى ءوڭىر سۋرەتشىلەرىنىڭ 100-دەن استام كەسكىندەمە، گرافيكا جانە مۇسىندىك تۋىندىلارى ۇسىنىلعان.
كورمەنىڭ باستاۋىندا بارلىق سۋرەتشىلەر ءۇشىن اقتوبە وبلىستىق ونەر مۋزەيىنىڭ ورنى ۇلكەن، جانە ونەرسۇيەر قاۋىممەن اراداعى التىن كوپىر ىسپەتتەس قارا شاڭىراق بولىپ تابىلادى. اقتوبە وبلىستىق ونەر مۋزەيى قورىندا 5000-عا جۋىق ەكسپونات بار. وندا قازاقستاننىڭ اتاقتى سۋرەتشىلەرىنىڭ ەڭبەكتەرى، سونىڭ ىشىندە كەسكىندەمە، گرافيكا، ءمۇسىن ونەرى، ساندىك-قولدانبالى ونەر تۋىندىلارى ساقتالعان.
ەكسپوزيسيادا سونداي-اق، كورەرمەن ا. ورىنعالي، ج. ەسەنعۇلوۆ، ب. جاپار، ل. بەليكوۆا، ە. يگناتوۆا، ە. يسمايلوۆ، م. قوجاقۇلوۆ، ب. كوپجاساروۆ، ا. قۇباي، ب. كۇبەكوۆا، ە. سۋحوتينا، ن. سكۋراتوۆيچتىڭ شىعارماشىلقتارىمەن تانىسا الادى. ولار حالىقارالىق، رەسپۋبليكالىق، كورمەلەردە ۇزدىكتەر قاتارىنان كورىنىپ، ءوز جەتىستىكتەرىمەن ونەر سۇيەر قاۋىمنىڭ ىقىلاسىنا بولەنىپ ءجۇر.
ەكسپوزيسيا جەلتوقسان ايىنىڭ 2-نە دەيىن جالعاسادى.
كورمە جەتەكشىسى – س.مىرزابەكوۆا.
