كورشى ەلدەردەگى جاعداي قازاقستاننىڭ ىشكى نارىعىنا دا اسەر ەتىپ وتىرادى.
وتكەن جىلدىڭ ناۋرىزىندا رەسەيدەگى بولشەك ساۋداداعى ديزەل وتىنىنىڭ باعاسى قازاقستانداعى باعامەن تەڭەسكەن. ناتيجەسىندە ەلىمىزدەگى جانارمايدىڭ باعاسى ءبىرشاما ارزانداعان بولاتىن، دەپ حابارلايدى اlmaty-akshamy.kz.
جانارماي سالاسى ماماندارىنىڭ ايتۋىنشا، باعا تەڭەسكەننەن كەيىن رەسەيمەن شەكارالاس جانارماي ستانسيالارىندا وتىندى ساتۋ كولەمى ازايعانىن بايقالعان. ەكى ورتادا جانارماي ساتۋشىلار ءۇشىن قازاقستاننان جانارماي شىعارۋ ەكونوميكالىق تۇرعىدان ءتيىمسىز بولدى.
الايدا، اراعا ءبىر اي سالىپ، كورشى ەلدەردەگى باعا كۇرت كوتەرىلىپ، ەلىمىزدە ديزەل ءوندىرۋ كولەمىن ارتتىرعانىمەن، كۇز ايلارىندا جانارماي تاپشىلىعى سەزىلگەن.
بيىلعى جىلى دا باعاداعى ايىرماشىلىق ساقتالىپ وتىر. وتكەن جىلعى ناۋرىز ايىمەن سالىستىرعاندا تۇتىنۋ كولەمى 15%-عا ارتقان. جاعداي وسى قالپىندا ساقتالا بەرسە، ونسىز دا شەتەل اسىپ وتىرعان قازاقستاندىق ديزەلدىڭ كولەمى ارتىپ، جانارماي تاپشىلىعى 850 مىڭ تونناعا جەتەتىنىن ايتادى مۇناي سالاسى ماماندارى. بۇعان دەيىن تاپشىلىقتى جانارماي ءوندىرۋ كولەمىن ارتتىرۋ ارقىلى جاۋىپ كەلگەن. ال قازىرگى ۋاقىتتا وتاندىق مۇناي زاۋىتتارى ماكسيمالدى رەجيمدە جۇمىس جاساپ تۇر ەكەن. شىمكەنت زاۋىتىن كەڭەيتكەنشە الداعى 6 جىلدا ديزەل ءوندىرۋ كولەمىن ارتتىرۋ مۇمكىندىگى جوق ەكەندىگىن ايتادى ماماندار.
وسىلايشا، قازاقستان ارزان وتىنمەن باسقا ەلدەردىڭ ەكونوميكاسىن سۋبسيديالاپ وتىر دەسە دە بولادى.