الماتىدا ەرتەڭ كۇشتى جەل تۇرۋى مۇمكىن

جەلدىڭ ەكپىنى سەكۋندىنا 15-20 مەترگە دەيىن جەتۋى مۇمكىن

الماتىلىقتارعا قالالىق توتەنشە جاعدايلار دەپارتامەنتى ەكپىندى جەل تۋرالى ەسكەرتۋ جاسادى، دەپ حابارلايدى Almaty-akshamy.kz.

"الماتى قالاسىنىڭ توتەنشە جاعدايلار دەپارتامەنتى "قازگيدرومەت" رمك-نىڭ 2023 جىلعى 6 ساۋىردەگى № 03 ەسكەرتۋىنە سۇيەنە وتىرىپ ەسكەرتەدى! الماتىدا ەرتەڭ، 7 ساۋىردە، وڭتۇستىك-باتىستان جەل سوعادى، كۇندىز ەكپىنى سەكۋندىنا 15-20 مەترگە دەيىن جەتۋى مۇمكىن"، - دەلىنگەن الماتى قالالىق توتەنشە جاعدايلار دەپارتامەنتى حابارلاماسىندا.

تجد قىزمەتكەرلەرى تۇرعىنداردى مىناداي ساقتىق شارالارىن ساقتاۋعا شاقىرادى:

"الماتى قالاسىنىڭ توتەنشە جاعدايلار دەپارتامەنتى تۇرعىندارعا كوپىرلەر، قويما جانە اعاشتاردان اۋلاق بولۋدى ۇسىنادى. ادامدى ۇشىپ كەتكەن بۇتاق، سىنعان شيفەر، جول بەلگىسى سوعۋى مۇمكىن. جەراستى وتكەلدەرىندە، مەترو ستانسيالارىندا نەمەسە عيماراتتار تاساسىندا جاسىرىنا الاسىز. بيلبوردتاردان، ماڭدايشالاردان، ايالدامالاردان، پاۆيلونداردان، باعدارشامداردان الىس ءجۇرۋ كەرەك. قالا تۇرعىندارىنا كولىكتەردى اعاشتاردىڭ استىندا قالدىرماۋ ۇسىنىلدى"،- دەلىنگەن حابارلامادا.