دۇنيەجۇزىلىك دەنساۋلىق ساقتاۋ ۇيىمى الەمدە كوروناۆيرۋس ينفەكسياسى تۇماۋمەن بىرگە قايتا ءورشۋى مۇمكىن ەكەنىن بولجاپ وتىر.
بۇل تۋرالى مالىمدەمەنى وسى اگەنتتىكتىڭ باسشىسى تەدروس ادحانوم گەبرەيەسۋس جەنيەۆادا وتكەن بريفينگتە جاسادى، دەپ حابارلايدى Almaty-akshamy.kz.
ونىڭ سوزىنشە، جۇقپالى اۋرۋدىڭ تاعى تاراۋىنا كۇننىڭ سۋىتۋى سەبەپ بولۋى ىقتيمال. سونىمەن قاتار ول ەۋروپانىڭ ءبىرقاتار ەلدەرىندە كوۆيدكە شالدىعۋ فاكتىلەرىنىڭ كوبەيگەنىن دە اتاپ ءوتتى. دەگەنمەن، گەبرەيەسۋستىڭ سوزىنشە، كوروناۆيرۋستان قايتىس بولعاندار سانى ارتپايدى. ويتكەنى، بۇگىندە پاسيەنتتەردىڭ ءومىرىن ساقتايتىن ۆاكسينا جەتكىلىكتى.
شىڭجاڭدا كوروناۆيرۋس جۇقتىرعاندار كوبەيدى
قىتايدىڭ شىڭجاڭ-ۇيعىر اۆتونوميالىق اۋدانىنان كوروناۆيرۋس ىندەتىنىڭ ورشۋىنە بايلانىستى اۆتوبۋستار مەن جولاۋشىلار پويىزدارىنىڭ شىعۋىنا تىيىم سالىندى. دەمەك، ولار ازىرگە قىتايدىڭ وزگە پروۆينسيالارىنا بارا المايدى. بۇنى «گلوبال تايمس» گازەتى حابارلاپ وتىر. سونىمەن قاتار، كەشە ءۇرىمشى اۋەجايىندا كۇندىزگى ۇشاق رەيستەرىنىڭ 97 پايىزى دوعارىلعان.