تۇماۋ مەن كوروناۆيرۋسقا قارسى ۆاكسينانى بىرگە الۋعا بولا ما؟ بۇل ساۋالعا ونلاين بريفينگ بارىسىندا س. اسفەندياروۆ اتىنداعى ءقازۇمۋ-نىڭ مەديسينالىق-سانيتارلىق العاشقى كومەك ءبولىمىنىڭ مەڭگەرۋشىسى، PhD فيلوسوفيا دوكتورى دينارا ماحانبەتقۇلوۆا جاۋاپ بەردى، دەپ حابارلايدى almaty-akshamy.kz قازاقپارات تىلشىسىنە سىلتەمە جاساپ.
«ارينە، تۇماۋعا قارسى ۆاكسينا مەن كوروناۆيرۋسقا قارسى ۆاكسينانى قاتار الۋعا بولادى. ءبىراق تۇماۋعا قارسى ەكپەنى ناۋقاس كوروناۆيرۋسقا قارسى ۆاكسينانىڭ ەكى دوزاسىن سالدىرعاننان كەيىن الۋ كەرەك. تۇماۋعا قارسى ۆاكسينانى ءبىر ايدان كەيىن سالدىرۋعا بولادى»، – دەدى دينارا ماحانبەتقۇلوۆا.
بۇعان دەيىن، الماتى قالاسىنىڭ باس سانيتارلىق دارىگەرى جانداربەك بەكشين قالا تۇرعىندارىنا ارالاس ينفەكسيا ءقاۋپى تۋرالى ەسكەرتكەن بولاتىن.
ونىڭ ايتۋىنشا، ەگەر ادام كوروناۆيرۋسقا قارسى ەكپە العان بولسا، ەكى اپتا ارالىقتى ساقتاۋى ءتيىس، كەيىن ەكىنشى ۆاكسينانى الۋعا بولادى. الدىمەن تۇماۋعا قارسى ۆاكسينانى سالدىرعان بولسا، وندا 2-4 اپتادان كەيىن كوروناۆيرۋسقا قارسى ۆاكسينانى الادى.
ەسكە سالايىق، قازاقستاندا تۇماۋعا قارسى ۆاكسينا سالدىرۋ 15 قىركۇيەكتەن باستالادى.