رەسپۋبليكالىق شتاب وتىرىسى ءوتتى
ق ر دەنساۋلىق ساقتاۋ ءمينيسترى اجار عينياتتىڭ توراعالىعىمەن كوروناۆيرۋس ينفەكسيانىڭ تارالۋىنىڭ الدىن الۋ جونىندەگى رەسپۋبليكالىق شتابتىڭ وتىرىسى ءوتتى، دەپ حابارلايدى Almaty-akshamy.kz. ق ر دەنساۋلىق ساقتاۋ مينيسترلىگى باسپا ءسوز قىزمەتىنىڭ حابارلاۋىنشا، وتىرىسقا نۇر-سۇلتان قالاسى اكىمىنىڭ ورىنباسارى ەرلان بەكمۋرزايەۆ، ق ر باس مەملەكەتتىك سانيتاريالىق دارىگەرى ايجان ەسماعامبەتوۆا، دەنساۋلىق ساقتاۋ ۆيسە-مينيسترى ۆياچەسلاۆ دۋدنيك، وبلىستاردىڭ، نۇر-سۇلتان، الماتى، شىمكەنت قالالارىنىڭ دەنساۋلىق ساقتاۋ باسقارمالارى مەن سانيتاريالىق-ەپيدەميولوگيالىق باقىلاۋ دەپارتامەنتتەرىنىڭ باسشىلارى قاتىستى. رەسپۋبليكاداعى ەپيدەميولوگيالىق جاعداي، كۆي اۋرۋىنىڭ ءوسۋ سەبەپتەرى، كوروناۆيرۋستىق ينفەكسياسى بار پاسيەنتتەرگە مەديسينالىق كومەك كورسەتۋ، ءتيىستى حالىققا ۆاكسيناسيا جۇرگىزۋ ماسەلەلەرى تالقىلاندى.