قىمبات جانە عىلىمي تۇرعىدان كۇردەلى ءىس
دۇنيەجۇزىلىك دەنساۋلىق ساقتاۋ ۇيىمى (ددسۇ) ميكروبقا قارسى پرەپاراتتارعا ءتوزىمدى پاتوگەندەردەن تۋىنداعان ينفەكسيالاردىڭ الدىن الۋعا ارنالعان ۆاكسينالاردىڭ دامۋى تۋرالى العاشقى ەسەپتى جاريالادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بۇۇ جاڭالىقتار ورتالىعىندا كورسەتىلگەندەي، ددسۇ ەسەبى جاڭا ۆاكسينالاردى سىناقتان وتكىزۋدى تەزدەتۋ جانە قولدا بار ۆاكسينالاردى بارىنشا بەلسەندى پايدالانۋ قاجەتتىگىن كورسەتەدى. ميكروبقا قارسى تۇراقتىلىقتىڭ «تىنىش» پاندەمياسى قوعامدىق دەنساۋلىق ساقتاۋ ءۇشىن ماڭىزدى پروبلەماعا اينالىپ وتىر. تەك ءتوزىمدى باكتەريالىق ينفەكسيالاردان جىل سايىن شامامەن 5 ميلليون ادام كوز جۇمادى، 1،27 ميلليون ادام ءولىمى پرەپاراتتارعا توزىمدىلىكپەن تىكەلەي بايلانىستى. باكتەريالار، ۆيرۋستار، ميكوزى مەن پارازيتتەر وزگەرىپ، دارى-دارمەكتەر اسەر ەتپەيتىن كەزدە تۇراقتىلىق پايدا بولادى جانە ونى ەمدەۋ قيىن. ددسۇ كلينيكالىق دايىندىق پەن سىناقتىڭ ءارتۇرلى ساتىلارىنان وتەتىن 61 ۆاكسينانى ءبولدى. ەسەپتە ولاردىڭ كوپشىلىگىن تاياۋ ۋاقىتتا تابۋ قيىن بولاتىنى اتالىپ وتىلگەن.
«ۆاكسيناسيا ارقىلى ينفەكسيالاردىڭ الدىن الىپ، انتيبيوتيكتەردى قولدانباۋعا بولادى. بۇل تۇراقتىلىقتىڭ تارالۋىن ازايتادى. الايدا، تۇراقتىلىق سالدارىنان ولىمگە جاۋاپ بەرەتىن 6 نەگىزگى باكتەريالىق قوزدىرعىشتىڭ تەك بىرەۋىنە – پنيەۆموكوككقا قارسى ۆاكسينا بار»، - دەدى ددسۇ باس ديرەكتورىنىڭ كومەكشىسى حانان بالحي.
الەۋەتتى ءتورت باكتەريالىق – پنيەۆموكوكقا، گەموفيلدى ينفەكسياعا، تۋبەركۋلەزگە جانە ءىش سۇزەگىنە قارسى ۆاكسينالار ازىرلەنگەن.
«ۆاكسينا دايىنداۋ – وتە قىمبات جانە عىلىمي تۇرعىدان كۇردەلى ءىس. كوپشىلىگى ساتسىزدىككە ۇشىرايدى، ال ءساتتى ۇمىتكەرلەر قيىن پروسەستەن وتەدى. ءبىز COVID-19-عا قارسى ۆاكسينالار ازىرلەۋدەگى ساباقتى قولدانۋىمىز كەرەك جانە ميكروبتارعا قارسى پرەپاراتتارعا تۇراقتىلىقپەن كۇرەسۋ ءۇشىن ۆاكسينا ىزدەۋدى تەزدەتۋىمىز كەرەك»، - دەدى ددسۇ يممۋنداۋ، ۆاكسينالار جانە بيولوگيالىق پرەپاراتتار دەپارتامەنتىنىڭ ديرەكتورى كەيت و ' برايەن.