باۋىرجان مومىش ۇلى – تاريحىمىزدا ويىپ تۇرىپ ورىن الاتىن تۇلعا.
م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ماتىجانوۆ كەنجەحان كوميسسيا مۇشەسى رەتىندە «دوستىق» مەترو ستانساسىنا باۋىرجان مومىش ۇلىنىڭ ەسىمىن بەرۋدى قولدايدى، دەپ حابارلايدى Almaty-akshamy.kz.
ونىڭ ايتۋىنشا، مەترو ستانساسىنىڭ اتاۋىن وزگەرتۋدىڭ ەكى سەبەبى نەگىزگە الىندى. ونىڭ ءبىرىنشىسى، الدىڭعى اتاۋلارىندا كەرەمەت ءمان بولعان جوق.
«مىسالى، «بارىس» دەگەن اتاۋدا اسا ءبىر ماڭىزدى ۇعىمدى ايشىقتاي قويمايدى. «دوستىق» دەگەن اتاۋ دا جاقسى. دەگەنمەن، باۋىرجان مومىش ۇلى كوشەسىنىڭ بويىندا ورنالاسقان مەترو ستانساسىنا نەگە باتىرىمىزدىڭ ەسىمىن بەرمەسكە؟! سوندىقتان ۇلى وتان سوعىسىنىڭ مايدانگەرى، ەل باتىرىنىڭ ەسىمىن وسى ستانسانىڭ اتاۋى رەتىندە بەكىتۋ ءبىراۋىزدان قولداۋ تابادى دەپ ويلايمىن»، - دەيدى ك.ماتىجانوۆ.
ينستيتۋت ديرەكتورى بۇل ورايى كەلىپ تۇرعان وتە دۇرىس ۇسىنىس. ءارى بۇل ۇسىنىستىڭ تاريحي سانانى قالپىنا كەلتىرۋگە ىقپالى وتە زور دەپ ەسەپتەيدى.
«كەيىن وسى مەترو ستانساسىمەن قاتىناعان، اتاۋىن كورگەن ادامداردا تاريحي سانانىڭ قالىپتاسىپ، ۇلتتىق نامىستىڭ جىگەرلەنىپ، پاتريوتتىق رۋحتىڭ، ۇلتتىق ماقتانىشتىڭ وياناتىنىنا سەنەمىز. بولاشاقتا وسى باۋىرجان مومىش ۇلىنىڭ، قاراساي باتىردىڭ جانە تاعى باسقا باتىر ۇلدارىمىزدىڭ، مەترو ستانسالارى بولسىن، وزگە دە نىساندارعا بولسىن ەسىمدەرىن بەرەتىن بولساق، كەلەشەك ۇرپاق جۇرگەن سايىن، كورگەن سايىن ونەگە الادى دەگەن ويدامىز»، - دەدى ول.