جىلدا دۇنيەجۇزىلىك زياتكەرلىك مەنشىك ۇيىمىنا (دزمۇ) مۇشە مەملەكەتتەر 26 ءساۋىر - حالىقارالىق زياتكەرلىك مەنشىك كۇنىن اتاپ وتەدى. وسىلايشا ونىڭ الەمنىڭ بارلىق ەلدەرىنىڭ ەكونوميكالىق، مادەني جانە الەۋمەتتىك دامۋىنداعى ءرولىن كورسەتەدى.
ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە حالىقارالىق زياتكەرلىك مەنشىك كۇنىنە ارنالعان «ورتاق بولاشاقتىڭ يگىلىگى ءۇشىن يننوۆاسيالار مەن شىعارماشىلىق» اتتى كورمە اشىلدى. ءىس-شارا مۋزەيدىڭ قولداۋىمەن ادىلەت مينيسترلىگى، قازاقستان سۋرەتشىلەر وداعىمەن بىرلەسىپ ۇيىمداستىرىلعان.
بۇل حالىقارالىق كۇن بۇكىل جاھاندىق قاۋىمداستىقتىڭ كۇش-جىگەرىن بىرىكتىرۋگە جانە زياتكەرلىك مەنشىكتىڭ (IP) الەم ونەرىنىڭ وركەندەۋىنە قالاي ۇلەس قوسا الاتىنى تۋرالى قوعامنىڭ وي ەلەگىنەن وتكىزۋدىڭ بىرەگەي مۇمكىندىگى. ول ادامداردىڭ ءال-اۋقاتىنىڭ ءوسۋىن ىنتالاندىراتىن تەحنولوگيالىق پروگرەسكە جاعداي جاسايدى. اتالمىش كورمە، سونىمەن قاتار، كرەاتيۆتى يندۋستريالاردى، اتاپ ايتقاندا پاتەنتتەردى، ساۋدا بەلگىلەرىن جانە اۆتورلىق قۇقىقتاردى ىلگەرىلەتۋدەگى ينتەللەكتۋالدىق مەنشىك قۇقىقتارىنىڭ ءرولىن كورسەتەدى.
«كورمەگە شىعارماشىلىق ارەنادا بەلسەندى جۇمىس ىستەيتىن قازاقستاندىق 37 تانىمال سۋرەتشىنىڭ 40-تان استام جۇمىسى قويىلادى. ءاربىر اۆتوردىڭ بىرەگەي جۇمىستارى ولاردىڭ كۇش-جىگەرىن مويىنداۋ جانە ماراپاتتاۋ، سونىمەن قاتار بارشا قوعامنىڭ يگىلىگى ءۇشىن جاسامپاز يدۋستريانىڭ شىعارماشىلىعىنىڭ ناتيجەلەرىن پايدالانۋ ماقساتىندا زياتكەرلىك مەنشىكتىڭ ماڭىزدىلىعىن كورسەتەدى. زياتكەرلىك مەنشىك قۇقىعى زەرتتەۋشىلەرگە، ونەرتاپقىشتارعا، كاسىپكەرلەرگە، ديزاينەرلەرگە، شىعارماشىلىق كاسىپ وكىلدەرىنە جانە باسقا دا كوپتەگەن ادامدارعا وزدەرىنىڭ زياتكەرلىك جۇمىستارىنىڭ ناتيجەلەرىن قۇقىقتىق قورعاۋدى قامتاماسىز ەتۋگە جانە ولاردان ەكونوميكالىق تابىس الۋعا مۇمكىندىك بەرەدى»، – دەيدى كورمە جەتەكشىسى ايگۇل حايداروۆا.
بۇل كورمە ەكسپوزيسياسى كورەرمەندى قازاقستان سۋرەتشىلەر وداعىنىڭ مۇشەلەرى، كاسىبي ونەر – كەسكىندەمە، گرافيكا جانە ءمۇسىن سالاسىندا جۇمىس ىستەيتىن: كەسكىندەمەشى ك.حايرۋللين، كەسكىندەمەشى-سۋرەتشى ءو.جۇبانيازوۆ، گرافيك، اكۆارەل سۋرەتشىسى ا.حايرۋلينا، گرافيك-كەسكىندەمەشى و.ەسەنبايەۆ، زەرگەر ءمۇسىنشى ە.داۋبايەۆ، ءمۇسىنشى م.وسكەنبايدىڭ جانە باسقا بەلگىلى قازاقستاندىق سۋرەتشىلەر شىعارماشىلىعىمەن تانىستىرادى.