وڭىرلەردە سۋ تاسقىنىنا قارسى ءىس-شارالار، ازاماتتاردى قۇلاقتاندىرۋ، سۋ تاسقىنى سالدارىن جويۋ جۇمىستارى جالعاسۋدا.
باتىس قازاقستان جانە اتىراۋ وبلىستارىنا جايىق وزەنى ارقىلى رەسەي فەدەراسياسى جاعىنان تۋىندايتىن سۋ تاسقىنىنىڭ ەكىنشى تولقىنى ەرەكشە باقىلاۋدا قالۋدا.
وتكەن تاۋلىكتە باتىس قازاقستان وبلىسىندا 81 523 قاپشىق جانە 2 770 توننا ينەرتتى ماتەريال توسەلدى، بوگەتتەردىڭ ىرگەسىن كوتەرۋ جانە نىعايتۋ جۇمىستارى جالعاسۋدا.
اتىراۋ وبلىسىندا 824 مىڭ قاپشىق جانە 2 700 توننا ينەرتتى ماتەريال توسەلدى، 4 424 كم بوگەت تۇرعىزىلدى، بوگەتتەردىڭ ىرگەسىن نىعايتۋ جۇمىستارى جالعاسۋدا.
جايىق وزەنىنىڭ سۋ دەڭگەيىنە مونيتورينگ جالعاسۋدا، ازاماتتاردى قۇلاقتاندىرۋ جانە تەلەراديو ارقىلى حابارلاندىرۋ ءار 4 ساعات سايىن جۇرگىزىلەدى.
وسى ساعاتتا 22 734 ادام ءوز ۇيلەرىنە ورالدى. 8 809 ادام، ونىڭ ىشىندە 3 828 بالا ەۆاكۋاسيالاۋ پۋنكتتەرىندە.
4 536 تۇرعىن ءۇي مەن 2 767 اۋلا اۋماعىنان سۋدىڭ باعىتى بۇرىلدى. 11،2 ملن استام تەكشە مەتر ەرىگەن قار سۋى سورىپ شىعارىلدى، 4،6 ملن قاپشىق جانە 1،4 ملن استام توننا ينەرتتى ماتەريال توسەلدى.
جەدەل جەلى تەلەفونىنا 2 114 قوڭىراۋ ءتۇستى.
اقمولا، اقتوبە، اتىراۋ، باتىس قازاقستان، سولتۇستىك قازاقستان وبلىستارىندا ۇيلەر مەن اۋماقتاردان سۋ سورۋ جۇمىستارى جالعاسۋدا.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 36 484 ادام، 5 083 تەحنيكا، 888 سۋ سورۋ قۇرالى، 381 ءجۇزۋ قۇرالى، 16 اۋە كەمەسى جۇمىلدىرىلدى.
تجم تۇرعىنداردى سۋ تاسقىنى كەزەڭىندە قاۋىپسىزدىك شارالارىن ساقتاۋعا شاقىرادى.