قازگيدرومەت سينوپتيكتەرى 21 ءساۋىر، جەكسەنبىگە ارنالعان اۋا رايى بولجامىن جاريالادى.
رەسپۋبليكامىزدىڭ باسىم بولىگى اۋقىمدى انتيسيكلون اسەرىندە بولعاندىقتان جاۋىن-شاشىن جاۋمايدى، دەپ حابارلايدى Almaty-akshamy.kz.
تەك كۇندىز قازاقستاننىڭ وڭتۇستىك-باتىسىندا جانە قيىر سولتۇستىگىندە ازداعان جاڭبىر سىركىرەيدى.
سونداي-اق رەسپۋبليكانىڭ وڭتۇستىك، وڭتۇستىك-شىعىسىنداعى تاۋلى اۋدانداردا اتموسفەرالىق فرونتتاردىڭ اسەرىنەن جاڭبىر جاۋىپ، نايزاعاي جارقىلدايدى.
قازاقستان بويىنشا جەل كۇشەيەدى.
ەلدىڭ وڭتۇستىك-باتىسىندا، سولتۇستىك-باتىسىندا، وڭتۇستىگىندە، وڭتۇستىك-شىعىسىندا شاڭدى داۋىل، وڭتۇستىگىندە – داۋىل، سولتۇستىگىندە تۇنگى جانە تاڭەرتەڭگى ساعاتتاردا تۇمان تۇسەدى.