كورەيالىق دارىگەرلەر دەنە قىزۋىن كوتەرە وتىرىپ، كوروناۆيرۋستى ەمدەۋگە بولاتىن ءادىس ويلاپ تاپتى

كوروناۆيرۋستى ەمدەۋدىڭ جاڭا ءتاسىلى شىقتى

ماماندار ارنايى اپپارات ارقىلى ناۋقاستىڭ دەنە قىزۋىن كوتەرە وتىرىپ، ۆيرۋستان ارىلتۋعا بولادى دەيدى. دارىگەرلەر بۇل ءادىسىن سەۋلدە وتكەن حالىقارالىق كونفەرەنسيادا كورسەتتى، دەپ حابارلايدى Almaty-akshamy.kz 24.kz. سايتىنا سىلتەمە جاساپ.

عالىمداردىڭ ايتۋىنشا، جاڭا اپپارات ارقىلى ادام اعزاسىندا ۆيرۋستى جوياتىن تەمپەراتۋرا قالىپتاستىرادى. بۇگىنگە دەيىن بۇل ءادىس كوۆيدكە شالدىققان 20 ناۋقاستىڭ ساۋىعىپ كەتۋىنە سەپتىگىن تيگىزگەن.

ءقازىردىڭ وزىندە بۇل قۇرىلعى ەلدىڭ 100-گە جۋىق كلينيكاسىندا بار. ەندى ەمدەۋدىڭ بۇل ءادىسى ۆيرۋستاردى زەرتتەيتىن حالىقارالىق اليانستا زەرتتەلىپ جاتىر.

«ۆيرۋس ادام اعزاسىنداعى 36-37 گرادۋس تەمپەراتۋراسىنا جاقسى بەيىمدەلەدى. سوندىقتان ونىمەن كۇرەسۋ ءۇشىن دەنە قىزۋىن ادەيى كوتەرۋ ارقىلى ۆيرۋستى السىرەتۋگە بولادى. يممۋنيتەتتىڭ جاسۋشالارى جۇمىس ىستەي باستايدى. ونىڭ ىشىندە تابيعي ءولتىرۋشى جاسۋشالار (NK جاسۋشالارى) ماڭىزدى ءرول اتقارادى. ولار ۆيرۋستىڭ كوزىن قۇرتادى. ءدارى تەك جاسۋشانىڭ ءبىر بولىگىن عانا ەمدەسە، تابيعي ءولتىرۋشى جاسۋشالار ۆيرۋسقا شالدىققان بارلىق جاسۋشانى جويىپ جىبەرەدى»، - ۆيرۋستاردى زەرتتەيتىن حالىقارالىق اليانستىڭ ۆيسە-پرەزيدەنتى كيم سون مان.