ەرجان باباقۇماروۆ جاسوسپىرىمدەر اراسىنداعى قۇقىقبۇزۋشىلىقتىڭ الدىن الۋ بويىنشا ۇەۇ-مەن ىنتىماقتاستىقتى كۇشەيتۋدى تاپسىردى
الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن بەينەكونفەرەنسبايلانىس رەجيمىندە كامەلەتكە تولماعانداردىڭ ءىسى جانە ولاردىڭ قۇقىعىن قورعاۋ جونىندەگى قالالىق ۆەدومستۆوارالىق كوميسسياسىنىڭ وتىرىسى ءوتتى دەپ حابارلايدى almaty-akshamy.kz
باستى ماقسات – بيىلعى 9 ايدىڭ قورىتىندىسى بويىنشا جاسالعان تالداۋ ناتيجەلەرى نەگىزىندە كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋعا باعىتتالعان ءىس-شارالاردىڭ تيىمدىلىگىن ودان ءارى ارتتىرۋ بويىنشا ءتيىستى شارا قابىلداۋ.
كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋ ماقساتىندا 11 جالپىقالالىق جەدەل-پروفيلاكتيكالىق ءىس-شارالار جۇرگىزىلدى. كامەلەتكە تولماعانداردىڭ ىستەرى جانە ولاردىڭ قۇقىعىن قورعاۋ جونىندەگى كوميسسيا وتىرىستارىندا كامەلەتكە تولماعانداردىڭ مۇددەسى ءۇشىن ءتۇرلى فاكتىلەر بويىنشا 247 ماتەريال قارالدى. كامەلەتكە تولماعانداردىڭ ويىن-ساۋىق مەكەمەلەرىندە (22.00-دەن كەيىن) جانە تۇرعىن ءۇي-جايلاردىڭ سىرتىندا (23.00-دەن كەيىن) تۇندە زاڭدى وكىلدەرىنىڭ ەرىپ جۇرمەۋى ءۇشىن 4546 اتا-انا اكىمشىلىك جاۋاپكەرشىلىككە تارتىلدى. 26 اتا-اناعا اتا-انا قۇقىعىنان ايىرۋ تۇرىندەگى توتەنشە شارا قولدانىلدى، 252 اتا-انا بالا تاربيەسى بويىنشا مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى. كامەلەتكە تولماعان 473 بالا قيىن ومىرلىك جاعدايداعى بالالاردى قولداۋ ورتالىعىنا جاتقىزىلدى. كامەلەتكە تولماعاندار پوليسياسىنىڭ مالىمەتىنشە، جالپى قالا بويىنشا كامەلەتكە تولماعاندارعا قاتىستى قىلمىستار 2،6% تومەندەگەن.
وتباسى قيىن ومىرلىك جاعدايعا تاپ بولعان كامەلەتكە تولماعاندارعا پسيحولوگيالىق قولداۋ كورسەتۋگە ەرەكشە نازار اۋدارىلادى.
الماتى قالاسىنىڭ اۋداندارى تۇرعىسىندا جۇرگىزىلگەن جۇمىستار مەن زاڭسىز ارەكەتتەر فاكتىلەرى بويىنشا قابىلدانعان شارالار تۋرالى ەسەپتەر تىڭدالدى.
جۇمىستى جەتىلدىرۋ بويىنشا ايتىلعان ۇسىنىستاردىڭ ىشىندە – كامەلەتكە تولماعاندار اراسىنداعى قىلمىستىڭ الدىن الۋ ماسەلەلەرى بويىنشا جوبالاردى ىسكە اسىرۋعا ۇكىمەتتىك ەمەس ۇيىمداردى تارتۋ. اكىمنىڭ ورىنباسارى ەرجان باباقۇماروۆ بىرلەسىپ جۇمىس ىستەۋ تەتىگىن، ونىڭ ىشىندە قىلمىستىڭ الدىن الۋ ماسەلەسى بويىنشا ۇەۇ ءۇشىن مەملەكەتتىك الەۋمەتتىك تاپسىرىستى ورنالاستىرۋ جولىمەن جانە مەكتەپ پسيحولوگتارىنا "قاۋىپ-قاتەر توبىنداعى" تۇلعالاردى انىقتاۋدىڭ جاڭا قۇرالدارىن ەنگىزۋ بويىنشا ادىستەمەلىك جانە پراكتيكالىق كومەك كورسەتۋ جانە ولارمەن جۇمىس ىستەۋ تەتىگىن پىسىقتاۋدى تاپسىردى. سونداي-اق كامەلەتكە تولماعاندار اراسىندا جانە ولارعا قاتىستى قىلمىستىڭ الدىن الۋ جونىندەگى ۇيلەستىرۋ كەڭەسىنىڭ جۇمىس اياسىن كەڭەيتۋ مۇمكىندىگى قارالاتىن بولادى.