ەلىمىز بەن اقش اراسىنداعى بيولوگيالىق قاۋىپسىزدىك بويىنشا ىنتىماقتاستىق جاندانۋدا

ىنتىماقتاستىق ارتۋدا

اقش پەن قازاقستان بيولوگيالىق قاۋىپسىزدىك سالاسىنداعى ىنتىماقتاستىقتى ارتتىرادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

قازاقستان مەن اقش قاۋىپسىزدىك سالاسىنداعى ىنتىماقتاستىق دەڭگەيىن ارتتىرۋعا نيەتتى. بۇل تۋرالى ەلىمىزدەگى جۇمىسىنىڭ اياقتالۋىنا ارنالعان دوڭگەلەك ۇستەل بارىسىندا اقش-تىڭ قازاقستانداعى ەلشىسى ۋيليام موزەر ءمالىم ەتتى.

سپيكەر قوس تاراپتىڭ باسقا دا سالالاردا ءوزارا ءتيىمدى ىنتىماقتاستىقتى كەڭەيتۋگە مۇمكىندىگى مول ەكەنىن ايتتى. مىسالى، امەريكالىق فەرمەرلەر ءوز تەحنولوگيالارىمەن بولىسە الادى.

بۇل جەرگىلىكتى اۋىلشارۋاشىلىق تاۋارلاردى حالىقارالىق نارىقتا باسەكەگە قابىلەتتى ەتەدى. سونداي-اق ۋيليام موزەر قازاقستاندىق ونىمدەر شەتەلدىك تۇتىنۋشىلاردىڭ جۇرەگىن جاۋلاپ الاتىنىنا سەنىمدى.

«قازاقستاندا جاسالعان» تاۋارلار، اسىرەسە، اقش-تا سۇرانىسقا يە بولۋ مۇمكىن»، – دەدى ول.

«ءقازىر قازاقستاندىق تاۋارلاردى اقش-تا تابۋ مۇمكىن ەمەس. ءبىراق مەن بۇل قازاقستان ءۇشىن كەرىسىنشە مۇمكىندىك دەر ەدىم. ەكونوميكانىڭ وسىنداي سەكتورلارىن دامىتىپ، حالىقارالىق نارىقتا باسەكەگە قابىلەتتى تاۋارلار شىعارۋعا بولادى. قازاقستانعا ءوز ارتىقشىلىقتارى بار سەكتورلاردى ايقىنداپ، تاۋارلاردى تاڭداۋ كەرەك»، - دەدى اقش-تىڭ قازاقستانداعى ەلشىسى ۋيليام ح. موزەر.