الماتىلىقتار قارجى پيراميداسىنا ءجيى الدانادى ەكەن

مۇندا بىلتىردان بەرى 12 قارجى پيراميداسى انىقتالعان.

ق ر قارجى مونيتورينگى اگەنتتىگىنىڭ باسشىسى ومىرسەرىك تاجماعانبەتوۆتىڭ ايتۋىنشا، قارجى پيراميداسىنىڭ باسىم بولىگى الماتىدا انىقتالادى، سايكەسىنشە قارجى الاياعى قۇربانىنىڭ سانى كوپ ەكەن، دەپ حابارلايدى Almaty-akshamy.kz

باسقارما باسشىسىنىڭ سوزىنشە، الماتى قارجى ورتالىعى بولىپ وتىر.

"حالىقتىڭ باسىم بولىگى الماتىدا تۇرادى. وسىعان بايلانىستى قارجى پيراميداسىنىڭ ەڭ كوپ تارالعانى وسى وڭىردە. ءبىز ەڭ كوپ قىلمىستىق ىستەردى الماتىدا تىركەيمىز. 2022 جانە 2023 جىلداردى الساق، بۇل جەردە 12 قارجى پيراميداسىن انىقتادىق. تيىسىنشە، بۇل ايماقتا زارداپ شەككەندەردىڭ سانى وتە كوپ: 20 مىڭنان استام ادام"، دەدى ومىرسەرىك تاجماعانبەتوۆ.

ونىڭ ايتۋىنشا، قارجى پيراميدالارى مەن قۇرباندار سانى بويىنشا استانا مەن قاراعاندى ​​وبلىسى ودان كەيىنگى ورىندا.

"بۇلار دا - جەتى قارجى پيراميداسى انىقتالعان ءىرى ايماقتار. اقتوبە وبلىسى - ءتورت قارجى پيراميداسى، ودان ءارى كەمۋ رەتىمەن - شىمكەنت، قوستاناي وبلىسى - ءۇش قارجى پيراميداسى. قالعان ايماقتاردا - ەكى نەمەسە ءبىر قارجى پيراميداسى بار"، دەدى ومىرسەرىك تاجماعانبەتوۆ.