جىل باسىنان كوپبالالى 545،1 مىڭ وتباسىعا جالپى سوماسى 239 ملرد تەڭگەگە جاردەماقى تولەندى، ونىڭ ىشىندە شىلدە ايىندا 541،4 مىڭ وتباسى 33،8 ملرد تەڭگە الدى، دەپ حابارلايدى Almaty-akshamy.kz.
ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتكەندەي، مەملەكەتتەن جاردەماقى تابىسىنا قاراماستان، كامەلەتكە تولماعان 4 جانە ودان كوپ بالاسى بار، سونداي-اق كۇندىزگى بولىمدە وقيتىن 23 جاسقا دەيىنگى ستۋدەنتتەرى بار وتباسىلارعا بەرىلەدى.
تولەم مولشەرى بالا سانىنا قاراي ەسەپتەلەدى:
- 4 بالاسى بار وتباسىلارعا – 16،03 اەك نەمەسە 55 304 تەڭگە؛
- 5 بالاعا – 20،04 اەك نەمەسە 69 138 تەڭگە؛
- 6 بالاعا – 24،05 اەك نەمەسە 82 973 تەڭگە؛
- 7 بالاعا – 28،06 اەك نەمەسە 96 807 تەڭگە؛
- 8 جانە ودان كوپ بالاسى بار وتباسىلارعا – ءار بالاعا 4 اەك نەمەسە
13 800 تەڭگە مولشەرىندە.
2023 جىلعى 1 قاڭتاردان باستاپ كوپبالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 8،5% ارتتى.