سوت شەشىمى ءالى كۇشىنە ەنگەن جوق.
الماتى قالاسىنىڭ پروكۋراتۋراسىنىڭ اقپاراتىنشا، قۇنى 7 ميلليارد تەڭگە تۇراتىن جەر تەلىمدەرى مەملەكەتكە قايتارىلدى، دەپ حابارلايدى Almaty-akshamy.kz
الماتى قالاسىنىڭ پروكۋراتۋراسى زەردەلەۋ بارىسىندا زاڭسىز الىنعان جەر ۋچاسكەسىن انىقتاعان.
"2014 جىلى الماتى شەكاراسىن كەڭەيتۋ ناتيجەسىندە الماتى وبلىسىنىڭ جەر ۋچاسكەلەرىنىڭ ءبىر بولىگى قالا قۇرامىنا ەندى. مىسالى، الماتى وبلىسى قاراساي اۋدانىنداعى 30،9 گا جەر ۋچاسكەسى "حالىقارالىق كلۋبتار قاۋىمداستىعى" ج ش س قوسالقى شارۋاشىلىعىن جۇرگىزۋ ءۇشىن العان. الايدا ج ش س جەر ۋچاسكەسىنىڭ كاداسترلىق قۇنىن تولەۋ بويىنشا ءوز مىندەتتەمەلەرىن ورىندامادى"، - دەلىنگەن حابارلامادا.
پروكۋراتۋرانىڭ تالاپ-ارىزى بويىنشا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمى بويىنشا، جەر ۋچاسكەسى مەملەكەتكە قايتارىلدى.