2025 جىلدىڭ باسىنان بەرى قازاقستاندا 855 مىڭنان استام وتباسى كوپبالالى جانە ناگرادتالعان انالارعا ارنالعان مەملەكەتتىك جاردەماقى الدى، - دەپ حابارلايدى Aqshamnews.kz.
جالپى تولەم سوماسى 404،3 ملرد تەڭگەنى قۇرادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.
اتاپ ايتقاندا:
- كوپبالالى وتباسىلارعا – 612 مىڭ وتباسى، جالپى سوماسى 352،2 ملرد تەڭگە؛
- ناگرادتالعان انالارعا – 243 مىڭ ادام، جالپى سوماسى 52،1 ملرد تەڭگە جاردەماقى الدى.
2025 جىلدىڭ تامىز ايىندا عانا بۇل تولەمدەرمەن 846،8 مىڭ وتباسى قامتىلىپ، 49،8 ملرد تەڭگە كولەمىندە قارجى تولەندى.
جاردەماقى مولشەرى قانداي؟
كوپبالالى وتباسىلارعا تابىس دەڭگەيىنە قاراماستان تولەنەدى. بۇل جاردەماقىنى بىرگە تۇراتىن 4 جانە ودان دا كوپ بالاسى بار (23 جاسقا دەيىنگى كۇندىزگى بولىمدە وقيتىن ستۋدەنتتەردى قوسا العاندا) وتباسىلار الا الادى.
2025 جىلى تولەم مولشەرى بىلايشا بەلگىلەندى:
- 4 بالاعا – 63 030 تەڭگە
- 5 بالاعا – 78 798 تەڭگە
- 6 بالاعا – 94 565 تەڭگە
- 7 بالاعا – 110 332 تەڭگە
- 8 جانە ودان دا كوپ بالاعا – ءار بالاعا 15 728 تەڭگە
ناگرادتالعان انالارعا ارنالعان جاردەماقى كەلەسى تۇردە تولەنەدى:
- «كۇمىس القا» يەگەرلەرىنە – 25 165 تەڭگە
- «التىن القا»، «باتىر انا» اتاعى، ءى/ءىى دارەجەلى «انا داڭقى» وردەنى يەگەرلەرىنە – 29 097 تەڭگە
ايتا كەتەيىك، 2025 جىلدىڭ 1 قاڭتارىنان باستاپ بۇل جاردەماقىلاردىڭ مولشەرى 6،5%-عا ارتتى.