8 قازاندا الەم نازارىن وزىنە اۋدارعان تاريحي وقيعاعا كۋا بولدىق. عارىشقا تۇڭعىش رەت ۇشقان قازاق قىزى رەتىندە ەل ەسىندە ماڭگى قالاتىن دانا قاراعۇسوۆا تۋرالى نە بەلگىلى؟ ول بۇل مارتەبەگە قالاي جەتتى؟ اqshamnews.kz ءتىلشىسىنىڭ ماتەريالىنان ءبىلىڭىز.
تەكتى اۋلەتتىڭ تۋماسى
دانا قاراعۇسوۆا 1984 جىلى 21 مامىردا الماتىدا دۇنيەگە كەلگەن. ول كورنەكتى تۇلعالار اۋلەتىنەن شىققان. اناسى گۇلجان قاراعۇسوۆا - تانىمال ساياساتكەر، سەنات پەن ءماجىلىس دەپۋتاتى بولعان. ەل اراسىندا ول ءتۇرلى ازىلگە اينالعان فرازالارىمەن ەستە قالعان ەدى.
سۋرەت: instagram.com/dannakar
دانانىڭ باۋىرلارى دا ءوز سالالارىندا جەتىستىككە جەتكەن جاندار. فارحاد قاراعۇسوۆ - زاڭگەر، كاسپيي قوعامدىق ۋنيۆەرسيتەتىندە قىزمەت اتقارادى. ال رومان (نەمەسە دامير) رومانوۆ - ەكونوميست، “اليۋمينيي كازاحستانا” كومپانياسىنىڭ باسشىسى.
وتباسىدان العان تاربيەسى مەن ەڭبەكقورلىعى دانانىڭ ءومىر جولىندا شەشۋشى ءرول اتقاردى. ول ەرتە جاستان ءوز ەڭبەگىمەن تابىس تابۋعا تالپىندى. بۇل مىنەز كەيىن ۇلكەن جەتىستىكتەرگە باستادى.
شەتەلدەگى ءبىلىم جانە جەتىستىككە باستاعان مانساپ جولى
دانا قاراعۇسوۆا - بىلىمگە قۇشتار جان. ول ۇلىبريتانياداعى ەسسەكسك ۋنيۆەرسيتەتىندە ەكونوميكا باكالاۆرىن، كەيىن لوندون ۋنيۆەرسيتەتتىك كوللەدجىندە ماگيستر دارەجەسىن العان.
ءوزىنىڭ سۇحباتتارىنىڭ بىرىندە ول 16 جاسىندا دۇكەندە جۇمىس ىستەپ، العاش رەت ءوز ەڭبەگىنىڭ جەمىسىن كورگەنىن ايتقان ەدى.
سۋرەت: instagram.com/dannakar
2005 جىلى دانا ەڭبەك جولىن Food Contract Corporation كومپانياسىنىڭ لوندونداعى وكىلدىگىن باسقارۋدان باستادى. ەكى جىل انگليادا تاجىريبە جيناعان سوڭ، 2007 جىلى ەلگە ورالىپ، First Media Group ماركەتينگ حولدينگىن قۇردى.
كەيىن ول L’Officiel Kazakhstan جانە L’Officiel Hommes Kazakhstan جۋرنالدارىنىڭ باسپاگەرى رەتىندە ءسان يندۋسترياسىن جاڭا دەڭگەيگە كوتەردى. ءتىپتى ايگىلى شەف-اسپاز گوردون رامزيمەن سۇحباتتاسۋ ءۇشىن يتالياداعى Forte Village Resort شيپاجايىنا ارنايى بارعان-تىن.
بۇگىندە دانا First Media Group حولدينگىندە جۇمىسىن جالعاستىرىپ، دجەننيفەر لوپەس، 50 Cent، Backstreet Boys سىندى الەمدىك جۇلدىزداردىڭ كونسەرتتەرىن ۇيىمداستىرۋمەن اينالىسادى. سونىمەن قاتار ول Portals مۋلتيمودالدى ەكوجۇيەسىنىڭ سەرىكتەسى.
"7 بالانىڭ اناسى، الىبەكوۆتىڭ ەكس-ايەلى": جەكە ءومىرى جايلى دەرەكتەر
دانا - كوپبالالى انا. بۇرىنعى كۇيەۋى - بلوگەر جانە كاسىپكەر بەيبىت الىبەكوۆ. ەرلى-زايىپتى ايتۋار (2007)، الديار (2009) جانە ايلين (2013) ەسىمدى ءۇش بالانى تاربيەلەدى.
اجىراسقاننان كەيىن دە ولار دوستىق قارىم-قاتىناستى ساقتاپ، ءبىر-بىرىنىڭ جەتىستىكتەرىن قولداپ كەلەدى. كەيىن دانا پاۆەل گرەبەننيكوۆ ەسىمدى سپورتشى، موتوكروسس اۋەسقويىمەن تۇرمىس قۇردى. بۇرىن ول دا ۇيلەنگەن. دانا جەلىدەگى ءوز جازبالارىنىڭ بىرىندە پاۆەل ەكەۋى 7 بالا ءوسىرىپ وتىرعاندارىن جازعان ەدى. 2022 جىلى ولاردىڭ ورتاق قىزى دۇنيەگە كەلدى.
سۋرەت: instagram.com/dannakar
كيليماندجارو، ەلبرۋس شىڭدارىن باعىندىرعان تاجىريبەلى الپينيست
قاراعۇسوۆا بىلىمگە قۇشتارلىعىنان بولەك ساياحاتتاۋدى، تاۋعا شىعۋدى جانى سۇيەدى. ول كيليماندجارو مەن ەلبرۋس تاۋلارىن باعىندىرعان تاجىريبەلى الپينيست. سونداي-اق، ول جاپونيادان باستاپ افريكاعا دەيىنگى ەلدەردى ارالاپ تاستاعان.
سۋرەت: instagram.com/dannakar
عارىشقا جەتەلەگەن ارمان
2025 جىلدىڭ كۇزى دانانىڭ ومىرىندەگى جاڭا كەزەڭنىڭ باستاۋىنا اينالدى. Blue Origin كومپانياسى جاريالاعان NS-36 ميسسياسىنىڭ قۇرامىمەن ول عارىشقا ساپار شەكتى. بۇل - Amazon نەگىزىن قالاۋشى دجەفف بەزوس قۇرعان اەروكوسميكالىق كومپانيانىڭ سۋبوربيتالىق باعدارلاماسى.
8 قازاندا New Shepard كەمەسى 100 شاقىرىم بيىكتىككە كوتەرىلىپ، عارىش كەڭىستىگىنە شىقتى. ۇشۋ 10–12 مينۋتقا سوزىلدى، ەكيپاج مۇشەلەرى بىرنەشە مينۋت بويى ناقتى سالماقسىزدىق كۇيىن سەزىندى.
سۋرەت: instagram.com/blueorigin
دانا قاراعۇسوۆا عارىشتى تۋريست رەتىندە باعىندىرعان تۇڭعىش قازاق قىزى. ول بۇل ساپارىن “بالالىق ارماننىڭ ورىندالۋى جانە زەرتتەۋ جوباسىنىڭ ءبىر بولىگى”، - دەپ اتادى.
سۋرەت: instagram.com/blueorigin
ونىمەن بىرگە عارىشقا امەريكالىق كاسىپكەرلەر مەن ينجەنەرلەر دە ۇشتى: دجەفف ەلگين، كلينت كەللي III، اارون نيۋمان، ۋكراينالىق بيزنەسمەن ۆيتاليي وستروۆسكيي جانە ءاتى-جونىن جاسىرۋدى قالاعان تاعى ءبىر قاتىسۋشى بار.
Blue Origin ميسسياسى بۇكىل الەمگە ونلاين كورسەتىلدى. ميلليوننان استام كورەرمەن العاشقى قازاق ايەلدىڭ عارىشقا كوتەرىلۋ ساتىنە كۋا بولدى.
قوسا كەتەيىك، دانانىڭ عارىشقا ساپارىنىڭ ناقتى قۇنى Blue Origin تاراپىنان رەسمي جاريالانعان جوق. الايدا اشىق دەرەكتەرگە سۇيەنسەك، New Shepard كەمەسىندەگى بيلەت باعاسى شامامەن 200 مىڭنان 1 ميلليون دوللارعا دەيىن (108–540 ملن تەڭگە) تۇرادى. كەي جاعدايلاردا باعا 4 ميلليون دوللارعا (2،1 ملرد تەڭگە) دەيىن جەتۋى مۇمكىن. قاتىسۋ ءۇشىن الدىن الا 150 مىڭ دوللار (81 ملن تەڭگە) دەپوزيت تولەۋ قاجەت. ال العاشقى بيلەت 2021 جىلى اۋكسيوندا 28 ميلليون دوللارعا (شامامەن 12 ملرد تەڭگە) ساتىلعان.