الماتى اكىمدىگى 1 جەلتوقساننان باستاپ بانگكوكتان الماتىعا جاڭا تىكەلەي رەيس اشىلاتىنىن ايتتى، دەپ حابارلايدى aqshamnews.kz
الماتى تۋريزم باسقارماسىنىڭ مالىمەتىنشە، وڭتۇستىك-شىعىس ازيا ەلدەرىنەن كەلگەن ساياحاتشىلار تاراپىنان قالاعا دەگەن قىزىعۋشىلىق تۇراقتى ءوسىپ كەلە جاتىر.
العاشقى رەيس 2025 جىلدىڭ 1 جەلتوقسانىندا جوسپارلانىپ وتىر.
بۇل جونىندە تۋريزم باسقارماسىنىڭ باسشىلىعى مەن Thai AirAsia ح اۋە كومپانياسىنىڭ باس اتقارۋشى ديرەكتورى پاتترا بۋساراۆونگسە باستاعان دەلەگاسيا كەزدەسۋىندە كەلىسىلدى.
"الماتىنىڭ تۋريزم باسقارماسى وڭتۇستىك-شىعىس ازيا ەلدەرىنەن كەلگەن ساياحاتشىلار تاراپىنان قالاعا دەگەن قىزىعۋشىلىقتىڭ تۇراقتى ءوسىپ كەلە جاتقانىن حابارلادى. رەيستى اشۋ جانە AirAsia-مەن بىرلەسكەن ماركەتينگتىك باستامالار الماتىنى حالىقارالىق ارەنادا بارىنشا قولجەتىمدى ءارى تانىمال تۋريستىك باعىتقا اينالدىرادى"، - دەپ جازىلعان حابارلامادا.
بانگكوكتا ورنالاسقان Thai AirAsia ح اۋە كومپانياسى 2013 جىلى قۇرىلعان. بۇگىندە اۋە كومپانياسى بۇكىل ازيا بويىنشا الىس مارشرۋتتاردا ۇشۋدىڭ جايلىلىعىن قامتاماسىز ەتەتىن توعىز اۋە كەمەسىن باسقارادى.