سەناتور تالعات ءجۇنىسوۆتىڭ ايتۋىنشا، بۇعان دەيىن ەلىمىزدە ەڭ تومەنگى جالاقىنى بەلگىلەۋ مەن تولەۋگە قاتىستى تالاپتار ەنگىزىلدى، دەپ حابارلايدى aqshamnews.kz
سەنات دەپۋتاتتارى ەڭ تومەن جالاقىنى بەلگىلەيتىن كونۆەنسيانى راتيفيكاسيالاۋ تۋرالى زاڭدى ماقۇلدادى.
سەناتور تالعات ءجۇنىسوۆتىڭ ايتۋىنشا، بۇعان دەيىن ەلىمىزدە ەڭ تومەنگى جالاقىنى بەلگىلەۋ مەن تولەۋگە قاتىستى تالاپتار ەنگىزىلدى. سونىڭ بارلىعى حالىقارالىق كونۆەنسياعا ساي كەلەدى.
"ماسەلەن، ەلىمىزدەگى ەڭ تومەن جالاقىنى ۇكىمەت جىل سايىن بەلگىلەيدى جانە بۇل ەڭبەك زاڭناماسىندا بەكىتىلگەن. وسىلايشا، قولدانىستاعى زاڭناما كونۆەنسيانىڭ ەرەجەلەرىنە سايكەس كەلەدى دەپ ايتۋعا نەگىز بار. ال قارالىپ وتىرعان كونۆەنسيانى راتيفيكاسيالاۋ قازاقستاندا قىزمەتكەرلەردى نەگىزسىز تومەن جالاقىدان قورعاۋدى قامتاماسىز ەتۋگە، الەۋمەتتىك ادىلەتتىلىكتى نىعايتۋعا جانە ورنىقتى الەۋمەتتىك-ەكونوميكالىق دامۋعا ىقپال ەتەتىن بولادى"، - دەدى ءجۇنىسوۆ سەناتتىڭ بۇگىنگى وتىرىسىندا.
كونۆەنسيانىڭ نەگىزگى قاعيداتتارى:
ەڭ تومەن جالاقى جۇيەسىن ەنگىزۋ؛
ەڭ تومەن جالاقىنى انىقتاۋ كەزىندە قىزمەتكەرلەردىڭ ەكونوميكالىق فاكتورلارى مەن قاجەتتىلىكتەرىن ەسەپكە الۋ؛
ەڭبەكاقى تولەۋ سالاسىنداعى ديسكريميناسياعا تىيىم سالۋ.
ايتا كەتەرى، قازاقستاندا ەڭ تومەنگى جالاقىنىڭ قازىرگى مولشەرى 85 000 تەڭگەنى قۇرايدى. ونىڭ كولەمى كەلەسى جىلى وزگەرمەيدى.