قازاقستان رەسپۋبليكاسى كونستيتۋسياسى كۇنى. وسىعان وراي ءبىلىم جانە عىلىم ءمينيسترى اسحات ايماعامبەتوۆ قازاقستاندىقتاردى مەرەكەمەن قۇتتىقتادى، دەپ حابارلايدى Almaty-akshamy.kz.
مينيستر قۇتتىقتاۋ ءسوزىن Facebook-تەگى پاراقشاسىندا جازدى.
«قازاقستان رەسپۋبليكاسىنىڭ كونستيتۋسياسى كۇنى قۇتتى بولسىن! كونستيتۋسيا ءاربىر ازاماتتىڭ قۇقىقتارى مەن بوستاندىعىنىڭ مۇلتىكسىز ساقتالۋىنا كەپىلدىك بەرەدى. زاڭ قاعيدالارى العا جىلجۋىمىزعا، اۋقىمدى جوبالاردى ىسكە اسىرۋعا، سونداي-اق حالىقتىڭ ءومىر ءسۇرۋ دەڭگەيى مەن ساپاسىن ارتتىرۋعا مۇمكىندىك بەرەدى. مەرەكە كۇنى بارشاڭىزعا اماندىق، بەيبىت اسپان، بارلىق باستاماڭىزعا تولاعاي تابىس تىلەيمىن! حالقىمىزدىڭ زاڭ ۇستەمدىگىنە ۇمتىلىسى ءارقاشان زور بولسىن!»، - دەپ جازدى ايماعامبەتوۆ.