بۇل سۇراققا ادىلەت ءمينيسترى جاۋاپ بەردى.
ق ر ادىلەت ءمينيسترى قانات مۋسين كونستيتۋسيالىق سوت قۇرۋ ءۇشىن قانداي زاڭنامالىق وزگەرىستەر ەنگىزىلەتىنىن ايتتى، دەپ حابارلايدى Almaty-akshamy.kz
«كونستيتۋسيالىق سوت قۇرۋ ءۇشىن اۋەلى كونستيتۋسياعا وزگەرىستەر ەنىگىزىلۋى كەرەك. ويتكەنى ونداي ورگاندار كونستيتۋسيادا كورسەتىلۋى كەرەك. كونستيتۋسياعا وزگەرىستەر ەنگىزگەننەن كەيىن كونستيتۋسيالىق سوت تۋرالى بولەك كونستيتۋسيالىق زاڭ قابىلدانادى. كونستيتۋسيالىق سوتتىڭ ءتوراعاسىن كىم تاعايىندايتىنى، پارلامەنتتىڭ سايلاۋى ارقىلى تاعايىندالا ما، بۇل سۇراقتىڭ ءبارىن وسى زاڭدى ازىرلەگەن كەزدە بەلگىلى بولادى. ءالى زاڭ جوق بولعاندىقتان، ءقازىر قالاي بولاتىنىن ەشكىم ايتا المايدى. جىل سوڭىنا دەيىن كونستيتۋسياعا بۇكىل وزگەرۋلەر مەن تۇزەتۋلەر، قاجەتتى كونستيتۋسيالىق زاڭدار، باسقا دا زاڭدار ازىرلەنىپ، قابىلدانۋى كەرەك، ودان كەيىن بارىپ كونستيتۋسيالىق سوت قۇرىلادى»، - دەدى قانات مۋسين.