دەنساۋلىق مينيسترلىگى دارى-دارمەك قورىنا قاتىستى مالىمدەمە جاسادى.
مينيسترلىك جالعان اقپارات تاراتپاۋعا، دۇرلىكپە تۋدىرماۋعا جانە تەك رەسمي مالىمەتكە سەنۋگە شاقىردى، دەپ حابارلايدى Almaty-akshamy.kz
ۆەدومستۆو ينسۋلين مەن باسقا دا نەگىزگى دارى-دارمەك «تاپشىلىعى» بولۋى مۇمكىن دەگەن باق-تا جارىق كورگەن ماقالاعا جاۋاپ بەردى.
«بۇگىنگى تاڭدا قازاقستاندا بولشەك ساۋدا سەگمەنتىندە دارىلىك زاتتاردىڭ بار-جوعى مونيتورينگىنە سايكەس تاپشىلىق بايقالمايدى. پرەپاراتتاردىڭ قولجەتىمدىلىگى ماقساتىندا دارىلىك زاتتاردىڭ تۇراقتاندىرۋ قورلارى جۇمىس ىستەيدى، ءىرى كوتەرمە ءدارىحانا قويمالارىندا قور قالىپتاستىرىلعان»، - دەلىنگەن اقپاراتتا.
2022 جىلعا الەۋمەتتىك مەديسينالىق ساقتاندىرۋ قورى مەن تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە 11،1 ميلليارد تەڭگە سوماعا ءينسۋليننىڭ 20 ءتۇرى ساتىپ الىنعان.
مينيسترلىك اقپاراتىنا سايكەس، ءبىرىڭعاي ديستريبيۋتوردىڭ قويمالارىندا ءينسۋليننىڭ جەتكىلىكتى قورى بار.
«ينسۋلين حالىققا دارىگەر رەسەپتى بويىنشا، سونداي-اق ديسپانسەرلىك ەسەپتە تۇرعان پاسيەنتتەرگە تەگىن بەرىلەدى. دەمەك، بۇل پرەپاراتتار ەسەپتە تۇر. ولاردى رەسەپتىمەن بوساتۋ، ەسەپكە الۋ جانە ساقتاۋ قاعيدالارىمەن رەگلامەنتتەلەدى. مينيسترلىكتىڭ ەرەكشە باقىلاۋىندا بولادى»، - دەدى مينيسترلىكتە.
ۆەدومستۆو وكىلدەرى دارى-دارمەكتەردىڭ بولشەك باعاسى بەلگىلەنگەن شەكتى باعا اياسىندا قالىپتاساتىنىن اتاپ ءوتتى.
«ءدارى باعاسىن مەملەكەتتىك رەتتەۋدىڭ ارقاسىندا سۇرانىس پەن ساتۋدىڭ ماۋسىمدىلىعىن، سونداي-اق جىل سايىنعى ينفلياسيانى ەسكەرە وتىرىپ، باعالاردى وڭتايلى دەڭگەيدە ۇستاپ تۇرۋعا بولادى»، - دەپ جازىلعان اقپاراتتا.
دارىگە بەلگىلەنگەن شەكتى باعانى اسىرعانى ءۇشىن «اكىمشىلىك قۇقىقبۇزۋشىلىق تۋرالى» كودەكستىڭ 426-بابى بويىنشا اكىمشىلىك جاۋاپكەرشىلىك كوزدەلگەن.
ينسۋلين - بۇل تەمپەراتۋرا رەجيمىن ساقتاۋدى قاجەت ەتەتىن اقۋىز. سونداي-اق، ارنايى ساقتاۋ تالاپتارى مەن جەدەل جەتكىزۋ شارتتارى ەسكەرىلمەسە، ينسۋلين بۇزىلىپ كەتۋى مۇمكىن.
مينيسترلىك جالعان اقپارات تاراتپاۋعا، دۇرلىكپە تۋدىرماۋعا جانە تەك رەسمي مالىمەتكە سەنۋگە شاقىردى.