قازاقستاندىقتاردىڭ 75،9%-ى كونستيتۋسياعا ەنگىزىلەتىن وزگەرتۋلەر مەن تولىقتىرۋلاردى قولداۋعا دايىن. AMANAT پارتياسى جانىنداعى قوعامدىق ساياسات ينستيتۋتى «الەۋمەت» جوباسى اياسىندا جۇرگىزىلگەن Referendum: Halyq üni زەرتتەۋىنىڭ قورىتىندىسىن جاريالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
ۇيىمنىڭ مالىمەتىنشە، ەل تۇرعىندارىنىڭ 67،9% كونستيتۋسيالىق رەفورما ەلدىڭ دامۋىنا وڭ اسەر ەتەدى دەپ ەسەپتەيدى. سونداي-اق الەۋمەتتىك دەرەكتەر ازاماتتاردىڭ كوپشىلىگى قولدانىستاعى كونستيتۋسيانى وزگەرتۋ بويىنشا رەفەرەندۋم وتكىزۋگە وڭ كوزقاراس تانىتىپ وتىرعانىن كورسەتتى.
«سوڭعى الەۋمەتتىك زەرتتەۋلەردىڭ ناتيجەسى قازىرگى قوعامدىق-ساياسي ۇدەرىستەردىڭ وڭ باعالاناتىنىن دالەلدەدى. ازاماتتاردىڭ 87،5%-ى بەلگىلى ءبىر دارەجەدە ەل ومىرىندەگى وزگەرىستەردى قالايدى. سۇرالعانداردىڭ 55،4%-ى بەلسەندى ازاماتتىق ۇستانىمعا يە. زەرتتەۋگە ەلىمىزدىڭ بارلىق وڭىرىنەن 1700-دەن استام رەسپوندەنت قاتىستى»،- دەدى قوعامدىق ساياسات ينستيتۋتىنىڭ ديرەكتورى ءمادينا نۇرعالييەۆا.
ايتا كەتەيىك، جۇيەلى الەۋمەتتانۋدى قالىپتاستىرۋ ماقساتىندا «الەۋمەت» جوباسى تۇراقتى نەگىزدە زەرتتەۋلەر جۇرگىزەدى.