قازاقستاندىقتارعا مۇگەدەكتىگى جانە اسىراۋشىسىنان ايىرىلۋى بويىنشا جاردەماقىلار مەن الەۋمەتتىك تولەمدەر تۇرىندە شامامەن 379،8 ملرد تەڭگە تولەندى
جىل باسىنان بەرى مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردى تولەۋگە رەسپۋبليكالىق بيۋدجەتتەن 338 ملرد تەڭگە جۇمسالدى. بۇعان قوسىمشا مەملەكەتتىك الەۋمەتتىك ساقتاندىرۋ قورىنان ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا شامامەن 41،8 ملرد ملرد تەڭگە سوماسىنا الەۋمەتتىك تولەمدەر جۇزەگە اسىرىلدى.
2023 جىلعى 1 قىركۇيەكتەگى جاعداي بويىنشا مۇگەدەكتىگى بويىنشا ءماج الۋشىلار سانى شامامەن 538 مىڭ ادامدى، اسىراۋشىسىنان ايىرىلۋ جاعدايى بويىنشا – شامامەن 186 مىڭ ادامدى قۇرايدى.
مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەنگى كۇنكورىس دەڭگەيىنىڭ شاماسىنا بايلانىستى بولادى.
اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان اسىراۋشىنىڭ اسىراۋىنداعى ادامداردىڭ سانىنا، قايتىس بولۋ سەبەپتەرىنە جانە ەڭ تومەنگى كۇنكورىس دەڭگەيىنە بايلانىستى بولادى.
سونىمەن قاتار، مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى 2023 جىلعى 1 قاڭتاردان باستاپ ەڭ تومەنگى كۇنكورىس دەڭگەيىنىڭ ۇلعايۋىنا بايلانىستى 8،5% - عا ءوستى، 2023 جىلعى 1 شىلدەدەن باستاپ ورتاشا ەسەپپەن 14،5% - عا قوسىمشا ارتتىرىلدى.
ماسەلەن، 2023 جىلعى 1 شىلدەدەن باستاپ جالپى اۋرۋدان مۇگەدەكتىگى بويىنشا ءماج مولشەرى 1-توپ ءۇشىن 89 248 تەڭگەنى، 2-توپ ءۇشىن – 71 398 تەڭگەنى، 3-توپ ءۇشىن – 48 681 تەڭگەنى قۇرايدى.
بۇدان باسقا، مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا ءماسق-دان الەۋمەتتىك تولەمدەر جۇزەگە اسىرىلادى. بيىلعى 8 ايداعى جاعداي بويىنشا 95،1 مىڭ ادام ەڭبەك ەتۋ قابىلەتىنەن ايىرىلۋ بويىنشا الەۋمەتتىك تولەم، ال 61،4 مىڭعا جۋىق وتباسى اسىراۋشىسىنان ايىرىلۋ بويىنشا الەۋمەتتىك تولەم الدى.
تولەمدەردىڭ مولشەرى جەكە جانە مىنالارعا بايلانىستى: سوڭعى 2 جىلداعى ءماسق-عا الەۋمەتتىك اۋدارىمدار جۇرگىزىلگەن ورتاشا ايلىق تابىس، ەڭبەككە قابىلەتتىلىگىنەن ايىرىلۋ كوەففيسيەنتتەرى، اسىراۋىنداعى ادامدار سانى، مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى اۋىستىرۋ.
بۇل تولەمدەر رەسپۋبليكالىق بيۋدجەتتەن تولەنەتىن ۇقساس جاردەماقىلارعا قوسىمشا جۇزەگە اسىرىلادى، سونداي-اق 2023 جىلعى 1 قاڭتاردان باستاپ ق ر ۇكىمەتىنىڭ شەشىمىمەن ولاردىڭ مولشەرى 8،5% - عا ۇلعايتىلدى.
1 قىركۇيەكتەگى جاعداي بويىنشا ەڭبەككە قابىلەتتىلىگىنەن ايىرىلۋ بويىنشا الەۋمەتتىك تولەمدەردىڭ ورتاشا مولشەرى 45 654 تەڭگەنى، اسىراۋشىسىنان ايىرىلۋ بويىنشا – 50 012 تەڭگەنى قۇرايدى.