جىل سايىن 15 مامىردا بۇكىل الەم جۇرتشىلىعى بۇۇ بەكىتكەن حالىقارالىق وتباسىلار كۇنىن اتاپ وتەدى. وسىعان وراي، «ازاماتتارعا ارنالعان ۇكىمەت» ارنايى ستاتيستيكا دايىندادى.
مەملەكەتتىك كورپوراسيا 10 ايدا 103 مىڭنان استام نەكە تىركەگەن، ال 2024 جىلدىڭ باسىنان بەرى 40 مىڭ جاڭا وتباسى شاڭىراق كوتەرگەن، دەپ حابارلايدى اlmaty-akshamy.kz.
نەكە سانى بويىنشا كوش باستاپ تۇرعان الماتى، استانا جانە شىمكەنت قالالارى.
سونداي-اق، 2023 جىلدىڭ شىلدەسىنەن باستاپ ەلىمىزدە 328 مىڭ نارەستە دۇنيەگە كەلگەن.
قازىرگى تاڭدا «ازاماتتارعا ارنالعان ۇكىمەت» استانادا، قاراعاندىدا، الماتىدا جانە قوستانايدا نەكەنى سالتاناتتى تۇردە تىركەيدى جانە بۇل قىزمەتتى باسقا قالالاردا ەنگىزۋدى جوسپارلاپ وتىر.
سونىمەن قاتار، بالا تۋۋىن سالتاناتتى تىركەۋدى ەنگىزۋ جوسپارلانۋدا. ءقازىردىڭ وزىندە تۋۋ تۋرالى كۋالىكتەردى جەتكىزۋ جانە ولاردى اتا-انالارىنا تىكەلەي پەرزەنتحانالاردا تابىستاۋ بويىنشا استانانىڭ مەديسينالىق مەكەمەلەرىمەن كەلىسسوزدەر جۇرگىزىلىپ جاتىر. ەلورداداعى پيلوتتىق جوبا سۇرانىسقا يە بولعان جاعدايدا، جوبا اۋقىمى كەڭەيەتىن بولادى.
ەستەرىڭىزگە سالا كەتەيىك، 2023 جىلعى 1 شىلدەدە «ازاماتتارعا ارنالعان ۇكىمەتكە» ازاماتتىق حال اكتىلەرىن تىركەۋ فۋنكسيالارى بەرىلگەن بولاتىن.