نيۋ-يوركتە 1959 جىلعى Chevrolet Impala تۋرالى حابارلاندىرۋ (Craigslist) جاريالاندى. يەسى وتىز مىڭ دوللارعا باعالاعان كابريولەتتىڭ تەك تات باسقان قاڭقاسى قالعان دەۋگە بولادى.
انادان قانداي قوسالقى بولشەك تابۋعا بولاتىنىن بىلمەيمىز. اقش-تا مۇنداي اقشاعا جاقسى جابدىقتالعان Toyota Camry ساتىپ الۋعا بولادى،– دەپ حابارلايدى اlmaty-akshamy.kz Kolesa.kz-كە سىلتەمە جاساپ.
بۇل مودەل Bel Air-دەن ءبولىنىپ كەتكەن كەزدە شىققان العاشقى نۇسقا سياقتى. سۋرەتتەن كولىكتىڭ ءتيىستى كۇتىمسىز، دالادا تۇرعانىن بايقايسىز. كابريولەتتىڭ ارتقى دوڭگەلەكتەرى مەن ءتۇبى جوق، سالوندى تەك ەلەستەتۋگە بولادى، ال امان قالعان شاناق پانەلدەرى ءشىرىپ كەتكەن. قوزعالتقىش جايىندا حابارلاندىرۋدا ايتىلماعان، سۋرەتى دە جوق. قورابى ورنىندا بولعانىمەن Impala موتورمەن باياعىدا قوش ايتىسقان بولۋ كەرەك. كولىكتىڭ يەسى ماشينەنىڭ تات باسقان بولشەكتەرىن قوسا بەرەدى. كوللەكسيونەرلەر 1950 جىلعى «يمپالاعا» شىنىمەن قىزىعادى. ساراپشىلاردىڭ پىكىرىنشە، جاقسى ساقتالعانىنىڭ قۇنى ءجۇز مىڭ دوللاردان اسادى. يەسى مەتالل كوللەكسياسىن دونور رەتىندە ساتقىسى كەلەتىن سياقتى. كابريولەتتىڭ قۇجاتى تۇگەل، ال قاڭقاسىندا زاۋىتتىق دەرەكتەر جازىلعان تاقتا بار كورىنەدى.