قازاقستان رەسپۋبليكاسىنىڭ كولىك ۆيسە-مينيسترى ماقسات كالياكپاروۆ تۇركى مەملەكەتتەرى ۇيىمىنا مۇشە ەلدەردىڭ كولىك مينيسترلەرىنىڭ جەتىنشى وتىرىسىنا قاتىستى.
ءمينيستردىڭ ورىنباسارى زانگەلان قالاسىندا«حالىقارالىق كولىك-لوگيستيكالىق ءدالىز: زانگەلاننان دامۋ سەرپىنى» تاقىرىبىندا ۇيىمداستىرىلعان حالىقارالىق كونفەرەنسياعا دا قاتىستى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
قاتىسۋشىلار بۇگىنگى تاڭدا حالىقارالىق ىنتىماقتاستىق باعىتىندا كولىك-لوگيستيكا سالاسىنىڭ ماڭىزى ارتىپ كەلە جاتقانىنا ەرەكشە نازار اۋداردى. سونىمەن قاتار كولىك سالاسىنا جاۋاپتى ماماندار تۇركى مەملەكەتتەرى ۇيىمىشەڭبەرىندە كولىك ىنتىماقتاستىعىن ودان ءارى دامىتۋعا باعىتتالعان شەشىمدەردى ىسكە اسىرۋعا مۇددەلى ەكەندەرىن ايتىپ جەتكىزدى.
القالى جيىن بارىسىندا كومميۋنيكەگە قول قويىلعانىن ەرەكشە اتاپ وتكەن ءجون. اتالعان قۇجات اۆتوموبيل، تەمىرجول، سۋ كولىگى، سونىمەن بىرگەدالىزدەردى سيفرلاندىرۋ، باقىلاۋ قۇجاتتارىن ەلەكتروندىق فورماتقا وتكىزۋ سياقتى ماسەلەردى قامتيدى. ماڭىزدى قۇجاتقا تۇركيا، ازەربايجان، وزبەكستان، قىرعىزستان مەملەكەتتەرىنىڭ كولىكسالاسىنا جاۋاپتى مينيسترلەرى مەن تۇركى مەملەكەتتەرى ۇيىمىنىڭ باس حاتشىسى قول قويدى.
سونداي-اق قازاقستاندىق دەلەگاسيا كونفەرەنسيا اياسىندا باكۋ قالاسىندا وتەتىن ءبىرقاتار سەسسيا مەن كەزدەسۋلەرگە قاتىسادى دەپ جوسپارلانىپ وتىر. وسى رەتتە تۇركى مەملەكەتتەرى ۇيىمىنا مۇشە ەلدەردىڭ كولىك مينيسترلەرىنىڭ كەلەسى وتىرىسىن 2024 جىلى قازاقستاندا وتكىزۋ كوزدەلىپ وتىرعانىن ايتا كەتكەن ورىندى.