كوممۋنالدىق قىزمەتتەر قۇنى كوتەرىلەدى

كوميتەت مالىمەتىنشە، «قىزىل ايماقتاعى» مونوپوليستەردىڭ 100%-عا جۋىعى ينۆەستيسيالاردى ۇلعايتۋعا ءوتىنىم بەرگەن، دەپ حابارلايدى Almaty-akshamy.kz.

«بۇگىنگى تاڭدا ق ر ۇەم تمرك اۋماقتىق دەپارتامەنتتەرىندە توزۋ دەڭگەيى جوعارى تابيعي مونوپوليالار سۋبەكتىلەرىنىڭ 71 ءوتىنىمى قارالۋدا. اعىمداعى ايدىڭ سوڭىنا دەيىن تمس-تىڭ تاعى 5 ءوتىنىمى كەلىپ تۇسەدى دەپ كۇتىلۋدە»، – دەلىنگەن حابارلامادا.

سالالار بويىنشا جاعداي مىناداي:

جىلۋمەن جابدىقتاۋ: 10 وڭىردەن 21 ءوتىنىم ءتۇستى (الماتى ق، شقو، سقو، اقمولا، قاراعاندى، قوستاناي، پاۆلودار، ماڭعىستاۋ، جامبىل، اباي وبلىستارى)، تاعى 2 ءوتىنىم كەلىپ تۇسەدى دەپ كۇتىلۋدە (پاۆلودار، جەتىسۋ وبلىستارى)

ەلەكترمەن جابدىقتاۋ: 13 وڭىردەن 16 ءوتىنىم ءتۇستى (اقمولا، اقتوبە، ماڭعىستاۋ، قاراعاندى، قوستاناي، جەتىسۋ وبلىستارى، الماتى ق. جانە الماتى، جامبىل، بقو، سقو، شقو جانە اباي وبلىستارى)

سۋمەن جابدىقتاۋ: 8 وڭىردەن 13 ءوتىنىم ءتۇستى (اقمولا، پاۆلودار، قوستاناي، قاراعاندى، جامبىل، شقو، اباي، ۇلىتاۋ وبلىستارى)، تاعى 1 ءوتىنىم كەلىپ تۇسەدى دەپ كۇتىلۋدە (الماتى وبلىسى).

سۋ بۇرۋ: 11 وڭىردەن 21 ءوتىنىم ءتۇستى (اقمولا، پاۆلودار، قوستاناي، قاراعاندى، ماڭعىستاۋ، اقتوبە، شقو، بقو، اباي وبلىستارى جانە شىمكەنت ق.) تاعى 2 ءوتىنىمنىڭ كەلىپ ءتۇسۋى كۇتىلۋدە (الماتى، تۇركىستان وبلىستارى).

«بەلگىلى ءبىر ءتاريفتى وزگەرتۋ تۋرالى شەشىم قابىلداماس بۇرىن تۇتىنۋشىلاردىڭ، جۇرتشىلىقتىڭ، ءماسليحات دەپۋتاتتارىنىڭ، «اتامەكەن» ۇكپ جانە ب ا ق وكىلدەرىنىڭ قاتىسۋىمەن جاريا تىڭداۋلار وتكىزىلەدى. ايتىلعان پىكىرلەر تاريفتەردى قالىپتاستىرۋ كەزىندە ەسكەرىلەدى. سونىمەن قاتار، تاريفتەردىڭ قالىپتاسۋىنا ءار ءوڭىردىڭ الەۋمەتتىك-ەكونوميكالىق جاعدايى دا اسەر ەتەدى، تاريفتەردىڭ نەگىزسىز وسۋىنە جول بەرىلمەيدى، تاريف حالىق ءۇشىن ءادىل جانە قولايلى بولادى»، – دەپ مالىمدەدى كوميتەتتەن.