كوممۋنالدى قىزمەت باعاسى نەگىزسىز وسسە، قايدا جۇگىنۋ كەرەك؟

يندۋستريا جانە قۇرىلىس ءمينيسترى ەرسايىن ناعاسپايەۆ "كوممۋنالدى قىزمەتكە" قاتىستى جۇمىس ءتارتىبىن تۇبەگەيلى وزگەرتەتىن بۇيرىققا قول قويدى. ەندى تۇبىرتەك قالاي كەلەدى جانەول نەگىزسىز وسسە نە ىستەۋ كەرەك؟ تولىعىراق اqshamnews.kz ماتەريالىندا. 

ءبىر بۋما تۇبىرتەكتىڭ ورنىنا – ءبىر شوت

ءمينيستردىڭ ايتۋىنشا، باستى جاڭالىق – ءبىرىڭعاي تولەم قۇجاتى (بتق). ەندى جارىق، سۋ، جىلۋ مەن قوقىسقا بولەك-بولەك تۇبىرتەك الۋدىڭ ورنىنا، تۇرعىندار ءبىر عانا ورتاق شوت الادى. ونى ارنايى ءبىرىڭعاي ەسەپ ايىرىسۋ ورتالىقتارى (بەو) ۇسىنادى. اكىمدىكتەر ولاردى كونكۋرس ارقىلى تاعايىندايدى.

قۇجاتتى جەكە كابينەتتەن ونلاين نەمەسە ءوتىنىش بەرىپ، قاعاز ءتۇرىن دە الۋعا بولادى.

بەو قالاي جۇمىس ىستەيدى؟

بەو تۇرعىندار مەن قىزمەت جەتكىزۋشىلەر اراسىنداعى دەلدال بولادى. ولار:

• جەتكىزۋشىلەردەن دەرەكتەر جينايدى،

• تۇبىرتەكتەردى قالىپتاستىرادى،

• تولەم قابىلداپ، ونى ترانزيت شوتتار ارقىلى بولەدى،

• قاتەلەردى تۇزەتىپ، ەسەپتىڭ دۇرىس بولۋىنا جاۋاپ بەرەدى،

• دەرەكتەر بازاسىن جانە تۇرعىندارعا ارنالعان جەكە كابينەتتەردى جۇرگىزەدى،

• شاعىمدار مەن وتىنىشتەردى قارايدى.

ياعني بارلىق كوممۋنالدىق تولەم ءبىر "تەرەزە" ارقىلى وتەتىن بولادى.

تولەمدىڭ جاڭا مەرزىمى

ەندى بۇكىل ەل بويىنشا ءبىرىڭعاي مەرزىم بەلگىلەندى. كوممۋنالدى قىزمەتتەر ءار ايدىڭ 25-ىنە دەيىن تولەنۋى كەرەك. بۇرىن ءار ءوڭىر نەمەسە كومپانيا ءوز ەرەجەسىن قويا الاتىن، ەندى ءبارى ورتاق بولادى.

قىزمەت ساپاسىز بولسا، نە ىستەۋ كەرەك؟

ەگەر سۋ ءوشىپ قالسا نەمەسە جىلۋ دۇرىس بەرىلمەسە، ال جەتكىزۋشى ماسەلەنى شەشپەسە، تۇرعىندار اكت جاساپ، ءوتىنىش جازا الادى. كوپقاباتتى ۇيلەردە بۇل قۇجاتتى كورشىلەرمەن نەمەسە وسي توراعاسىمەن بىرگە قول قويۋ قاجەت. فوتو، ۆيدەو دالەلدەر قوسا بەرىلەدى دە، جەتكىزۋشىگە جولدانادى. ەگەر داۋ شەشىلمەسە، سوتقا جۇگىنۋگە بولادى.

قورىتىندىلاي كەلە:

• بىرنەشە تۇبىرتەكتىڭ ورنىنا ءبىر شوت بولادى.

• ونلاين جانە قاعاز تۇرىندە قولجەتىمدى.

• اقشا ترانزيتتىك شوتتارعا ءتۇسىپ، ءۇش كۇندە بولىنەدى.

• اكىمدىكتەر ەسەپ ايىرىسۋدى قاداعالايدى، بەو قاتەلەردى تۇزەتۋگە مىندەتتى.

• جۇيە ورتالىقتاندىرىلادى، ياعني بەو-دا اقاۋ بولسا، بىردەن كوپ ادامعا اسەر ەتەدى.

وزگەرىستەر 20 قىركۇيەكتەن باستاپ كۇشىنە ەنەدى.

كوممۋنالدى قىزمەت باعاسى نەگىزسىز وسسە، قايدا جۇگىنۋ كەرەك؟

1. تۇبىرتەكتى مۇقيات تەكسەرىڭىز.
الدىمەن تاريفتەردى، پايدالانىلعان قىزمەت كولەمىن جانە قوسىمشا ەسەپتەۋ بار-جوعىن قاراڭىز. ەگەر كورسەتىلگەن ساندار كۇمان تۋعىزسا، ولاردى ارنايى قۇرىلعىلاردىڭ دەرەكتەرىمەن جانە الدىڭعى تولەمدەرمەن سالىستىرىپ كورىڭىز.

2. قىزمەت كورسەتۋشى كومپانياعا حابارلاسىڭىز.
ەگەر باعا سايكەسپەي جاتسا، باسقارۋشى كومپانياعا نەمەسە كوممۋنالدىق قىزمەت كورسەتەتىندەرگە ("الماتى جىلۋ جۇيەسى"، "الماتى سۋ"، "استانا-جىلۋترانزيت" جانە ت.ب.) جۇگىنۋ قاجەت. بايلانىس تەلەفوندارى تۇبىرتەكتە كورسەتىلەدى. ەڭ دۇرىسى – ماسەلەنى جازباشا تۇردە بايانداپ، رەسمي تۇسىندىرمە تالاپ ەتۋ.

3. مەملەكەتتىك ورگاندارعا شاعىم ءتۇسىرىڭىز.
كومپانيا جاۋاپ بەرمەسە نەمەسە تولەمدى قايتا قاراۋدان باس تارتسا، شاعىمدى تابيعي مونوپوليالاردى رەتتەۋ كوميتەتىنە نەمەسە جەرگىلىكتى اكىمدىككە جولداۋعا بولادى. ول ءۇشىن ارىز، تۇبىرتەكتىڭ كوشىرمەلەرى جانە باسقا دا دالەل قۇجاتتار قاجەت.

بۇل سالاداعى ۋاكىلەتتى ورگان – ەكونوميكا مينيسترلىگىنىڭ انتيمونوپوليالىق دەپارتامەنتى. ول مونوپوليستەردىڭ تاريفتەرىن بەكىتەدى جانە ولاردىڭ دۇرىس قولدانىلۋىن قاداعالايدى.

4. ونلاين شاعىم بەرۋ.
ەڭ وڭاي جولى – E-otinish ونلاين-پلاتفورماسى ارقىلى كوميتەتكە نەمەسە ءوز قالاڭىزدىڭ اكىمدىگىنە ءوتىنىش جولداۋ. بۇل قىزمەت ارقىلى قازاقستاندىقتار اكىمدىكتەرگە، مينيسترلىكتەرگە، كوميتەتتەرگە، اگەنتتىكتەرگە جانە باسقا دا مەكەمەلەرگە كەزەكسىز ءارى كەدەرگىلەرسىز جۇگىنىپ، ءوتىنىش بەرە الادى.

5. ۇجىمدىق شاعىم.
ەگەر باسقا دا تۇرعىندار باعاعا قاتىستى نارازىلىق تانىتسا، كورشىلەرمەن بىرىگىپ، ورتاق ءوتىنىش جاساۋعا بولادى. ال ەگەر داۋ بەيبىت جولمەن شەشىلمەسە، سوڭعى امال – سوتقا جۇگىنۋ.

قاجەت نومىرلەر:

• "الماتى جىلۋ جەلىسى": +7 727 341 0777، +7 701 027 1120 (WhatsApp)

• "الماتى سۋ" call-ورتالىعى: 3-777-444، 396-95-70، 376-83-50، 234-32-93، 234-32-92، 398-89-33

• "استانا-جىلۋترانزيت": 77-12-74، 77-12-02، 109 iKomek