بۇل سۇراققا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جاۋاپ بەردى.
ءمينيستردىڭ ايتۋىنشا، ەلىمىزدە كومىر باعاسى وڭىرلەرگە بايلانىستى تونناسىنا 5 مىڭنان 19 مىڭ تەڭگە ارالىعىندا بولادى، دەپ حابارلايدى Almaty-akshamy.kz
«كومىر باعاسى نارىقتىق قاتىناستا قالىپتاساتىنىن جانە مەملەكەت تاراپىنان رەتتەلمەيتىنىن ايتا كەتۋ قاجەت. اكىمدىكتەردىڭ اقپاراتى بويىنشا، وڭىرلەردەگى كومىردىڭ قۇنى تونناسىنا 5 مىڭ تەڭگەدەن 19 مىڭ تەڭگەگە دەيىن وزگەرەدى. بۇل، ەڭ الدىمەن، كومىردىڭ ماركاسىنا، ءوندىرۋ شىعىندارى مەن جەتكىزۋ قاشىقتىعىنا بايلانىستى»، - دەدى مينيستر.